نومة على القمر من قلب هالبيت بالغابة!

عبالكن تجربة فريدة من نوعها هالموسم؟ قررنا نضب الشنطة ونطلع على مزرعة التفاح بالشمال! سمعنا انو في بيت قبة مميز اسمو The North Pod عندو نومة على القمر وتراس بنص الغابة، مشوا نكتشف هالبيت سوا!

بيت The North Pod عبارة عن بيت قبة ومطرح مميز لتجربوا هالصيفية. بتلاقوا بهل مكان كل وسايل الراحة والرفاهية وما بتحتاجوا شي! هالبيت مخبى بين شجر الأرز والصنوبر وبيقدم قعدة من العمر! قاعد بمكان رايق وبعيد عن العالم هيك بتقضوا أحلى أوقاتكن الخاصة وأجمل الذكريات.

مش بس بيتميز بيت The North Pod بموديل القبة الفريد، بس كمان بنومة على القمر! أول ما تدخلوا على القبة بتلاقوا ديكور قمر مضوي، تخت كبير ومريح مع قعدة مميزة مفتوحة على منظر الغابة اللي رح يسحركن، أديه حلوة وفريدة القعدة؟ يعني حلم وصار حقيقة!

وبرا ناطركن جاكوزي غير شكل بين الشجر خصوصي هالصيفية! كمان بتلاقوا عند بيت The North Pod قعدة تراس مميزة، وقعدات رومانسية وساحرة الجمال تحت سما مليانة نجوم وعالم بعيد بقلب الطبيعة. مطرح مميز لتكتشفوا الغابة وتقضوا وقت حلو بحضن الغابة.

بترخوها على المرجوحة والهوا عم يغزل بين الشجر، بتتفرجوا على غروب الشمس الساحر، وبتسهروا على الأضوية الخافتة! بتفيقوا الصبحيات على صوت العصافير وبتدوقوا ترويقة لبنانية بتشهي، في أحلى من هيك؟

للمزيد من المعلومات أو الحجز، إتصلوا على 001 506 81.

شوفوا كمان، ١٦ مطعم بقعدة مميزة جنب النهر حول لبنان