شو في بأنفه هل ويك-أند ؟مهرجان طويل عريض وأكل طيب

عبالكن تستمتعوا بالطقس الصيفي والبحر، هل مرة مهرجان Street Festival رح ينزل على البحر يجبلكن اختبار جديد وغريب بنفس الوقت.

لاقوهن على منطقة أنفه بقضاء الكورة مطرح ما رح تكون السهرة عمراني: موسيقى، رقص وفرح وسوق أكل طويل عريض، ألعاب للولاد ومحلات وكيوسكات من جميعو.

ما في أحلى من القعدة على بحر أنفه قبال الملاحات، رح فيكن تشوفوا المغيب من ورا البحر دغري إنتو وعم تتمشوا.

لي عبالوا في يجيب ولادو معو رح يتسلوا كتير وحتى فيكن تجيبوا الختياريي وتغيرولن جو أو تجمعوا الأصحاب وترافقوا الحبيب وتجوا تتمشوا بالمهرجان… كل حدا رح يلاقي حالو هون.

المهرجان مبلش من نهار الجمعة 4 آب ورح يضل للأحد 6 آب من الساعة 5 بعد الضهر للساعة 12 بالليل.

للمزيد من المعلومات اتصلوا على 420 004 81

هل مهرجان من تنظيم Street Festival بمشاركة municipalityofanfeh، nooranfeh، و groupst.catherineanfeh.

شوفوا كمان، لوين المشوار اليوم؟ ع فاريا عند إم رزق الله.