مغارة بقلب الوادي صارت بيت ضيافة جاهز يستقبلكن
ضيعة قرطبا يلي موجودة بقضاء جبيل فيها مناظر رائعة وشلالات سحرية.
بس شي مرة نمتوا بقلب المغارة لي مخباية بقلب الوادي؟
دار ضيافة The Lost Cave عبارة عن بيت بيستقبلكن وهوي مغارة حجر ومتل ما إسمو بدل علي هوي فعلاً كنز مخفي وضايع بالطبيعة.
بس توصلوا عمغارة The Lost Cave، رح تمرقوا من جسر كتير زغير، وشلال كتير حلو!
برا رح تشوفوا مراجيح وقعدات حد النهر… كل شي متل الحلم.
هل مغارة بتساع لحديت 7 أشخاص، في مي سخنة، ومطبخ مجهز بكل شي ومحل للشوي.
وأجمل شي الجاكوزي الطبيعي يلي هوي النهر بحد ذاتو، فيكن تسبحوا أو تغطسوا إجريكن بس يجي عبالكن.
ما في ألذ من الترويقة الصبح والقعدة على المرجوحة عصوت المي.
قضوا نهاركن حد النهر أو بالأوض عم ترخوها وتشربوا أطيب فنجان قهوة، دوروا موسيقى واتستمتعوا بكل وسايل الراحة لتدللوا حالكن بقلب مغارة منسية بالطبيعة.
بالنسبة للأسعار، فهي 250$ بالويك-أند و180$ بنص الجمعة.
للمزيد من المعلومات، اتصلوا على 191 789 03
شوفوا كمان، ٥ محلات رح تحسسكن إنكن سافرتوا برات لبنان.
