مطعم عين غبش: كبّة نية وقعدة على النهر

بتحبوا القعدات بالطبيعة جنب الميّ الجارية؟ صار بدها مشوار صيفي على الشمال خصوصي بهل شوب. اليوم رح ناخدكن على ربوع زغرتا نجرب لقمة طيبة والقعدة الحلوة. تعرفوا معنا على مطعم عين غبش، مطعم مميز مع قعدة ساحرة على العين.

مطعم عين غبش صرلو من سنة ال 1979 فاتح بوابه للناس وبيستقبلن على الأكل الطيب والقعدة الحلوة بالطبيعة الزغرتاوية. مخبى تحت فيّ الشجر وبين الخضار ونافورة الميّ، بيقدم قعدة تراس فوق الميّ، بتتفرجوا منها على النبع وبتسمعوا صوت الميّ الجارية. مطعم بجو مميز للجمعات الكبيرة أو عزيمة غدا محرز مع العيلة والأصحاب.

بتقدروا عند مطعم عين غبش تطلبوا الأكل من عندن أو تحضروا أكلكن معكن، تحجزوا طاولة، وتعملوا مشاوي جنب النهر. قعدتو غير شكل نهار الأحد خصوصي بهل شوبات، يعني ما بتكمل الصيفية من دون مشوار على النهر، وبتلاقوا عند عين غبش أحلى قعدة وجو للعيلة كلها.

مش بس بتجربوا الكبّة الزغرتاوية على أصولها، كمان الكبة على أنواعها وبيعمل الكبة النية بطريقة مميزة. ناطرتكن عند مطعم عين غبش سفرة مشكلة وملونة بأشهى المشاوي والمازة اللبنانية، التبولة والفتوش، والنفس التراثي على الأكل مع كاس عرق غير شكل. بتقدوا وبتدوقوا لقمة طيبة وقدامكن جمال النهر والطبيعة بالشمال.

للمزيد من المعلومات أو الحجز، إتصلوا على 080 182 03.

شوفوا كمان، كبة بشحمة وغدا فوق الغيم بهل مطعم بإهدن