كازينو الصفا: لقمة طيبة وقعدة على النهر

عارفين شو عاملين هل ويك-أند أو بعد؟ بهل شوبات ما في أحلى من المشوار على الشوف لنبورد شوي وكيف إذا كانت القعدة حد النهر.

بهيك طقس بتحلى القعدة حد المي مع برودات غير شكل وأكل ولا أطيب ولقمة ولا أشهى بمطعم كازينو الصفا الكبير عطريق عين زحلتا ونبع الصفا.

غير هيك كل أحد عم يعملوا جو حلو ومولعينها مع فرقة فوضى منظمة.

أكلاتو كتير طيبين… موسيقى شرقية، ومأكولات لبنانية لذيذة، والجو المريح على الطاولات، حتستمتعوا بالأكل الطيب والمزاج الجيد.

الأكل لقمة بيت وصحي وكل شي محضر بطريقة بيتوتية. أصناف المازة اللبنانية والسلطات مع خضرا طازة جبلية ولا أروع.

فتح مطعم كازينو الصفا الكبير عام 1955 لأول مرة وصار من أهم المطاعم بالمنطقة يلي كانت بوقتها بعزها بتنبض بالحياة والبحبوحة. لدرجة كان هل مطعم جنة بيستوحوا منا أهم الشعرا أجمل الأشعار والكتابات لي لإلن متل الكاتب الشهير أحمد شوقي وغيرن.

عندن رح ترجعوا تحسوا بلبنان الحلو… لبنان فيروز وصباح ونصري شمس الدين ووديع الصافي والعالم الطيبة.

في كمان ألعاب للولاد وأسعار بتجنن كتير مدروسة… بعد بدكن أكتر من هيك؟ “ميلولكن ميولة وقيلولكن قيولة” عند كازينو الصفا.

للحجز: 71494393

شوفوا كمان، أجمل ٥ أوتيلات موجودة بالجبل بلبنان.