٦ مطارح لأحلى مشوار خريف بجزين

لوين مشوار تشرين؟ على جزين جوهرة الصنوبر والزيتون، وحدة من أجمل مناطق الجنوب ولبنان كلو. خلونا نتعرف سوا على شو فينا نعمل بجزين، ونشوف 6 مطارح لأحلى مشوار خريف بجزين،

1. قضوا كم نهار بقلب غابة بكاسين عند بيت الغابة

عند بيت الغابة فيكن تعملوا Hiking وإستكشاف للطبيعة، تجربوا غدا طيب تحت شجر الصنوبر، وتعملوا رياضات حماسية متل التسلق. والحلو انو عندن بيوت خشبية لتقضوا ليلة غير شكل بالغابة مع ترويقة الصبحيات بحضن الشجر. مشوار خريف بجزين كامل متكامل مع أحلى جو.

الرقم: 222 800 07

2. عيشوا جو الريف والبساطة بقلب مزرعة كيف جزين

قعدة على الهدا بين ورق الخريف وبساتين جزين! مزرعة كيف جزين عندن جو تراثي و زراعي مميز.

بتلاقوا بوفيهات أكل بيتوتي وموسمي، قعدة مليانة جمال وسحر الطبيعة، وجلسة مكنكنة مغمورة بدفى البيت.

الرقم: 449 441 70

3. جربوا نبيد جزين من عند Karam Winery

معصرة مميزة بين كروم العنب بجزين، فيكن تجربوا عندن أكل طيب مع كاس نبيد من عندن، تبرموا بالمعصرة وتعملوا جولة بين البساتين. نشاط مميز بالخريف لكل محبي النبيد.

الرقم: 743 154 70

4. زوروا قصر فريد سرحال

قصر بعمارة شرقية إستثنائية بجزين، فيكن تاخدوا فيه أجمل الصور وتنبسطوا بأحلى المناظر.

5. جربوا أطيب مخبوزات الزعتر البلدي عند The Good Thyme

حوشوا الزعتر البلدي عند هالمزرعة، تغدوا بالطبيعة بوفيه غير شكل، تعرفوا على زراعة الزعتر وأنواعه المختلفة، وعيشوا مع أحبابكن لحظات مميزة.

الرقم: 081 801 78

6. قضوا كم نهار بالطبيعة عند بلو جاي فالي

عندن بيوت ضيافة مميزة بالخريف، جو مكنكن وقعدة ضيعة وأكل جبلي ومناظر خريفية بتاخد العقل.

الرقم: 088 880 78

شوفوا كمان، ٢٥ بيت خشبي لأحلى قعدة خريفية بالطبيعة