أسامي الضيع اللبنانية اللي بتبلش بكلمة “كفر”

أديه في ضيع لبنانية أسمائها فريدة واستثنائية؟ بما انو خبرناكن قبل عن أسامي الضيع اللي بتبلش بكلمة “بيت” والضيع اللي بتبلش بكلمة “عين“، اليوم رح نكمل معكن هالبرمة التراثية. خلونا نخبركن عن أسامي الضيع اللي بتبلش بكلمة “كفر”، وهي كلمة منسمعها كتير وبتعني “القرية”. 

1. كفرا، قضاء بنت جبيل

معنى التسمية: قرية الحناّ

2. كفر بعال، قضاء جبيل

معنى التسمية:  قرية البعل

3. كفرتبنيت، قضاء النبطية

معنى التسمية: قرية تبنيت (أحد ملوك صور)

4. كفرحباب، قضاء كسروان

معنى التسمية: قرية الحريق

Via @LBCI TV

5. كفرحتنا، قضاء البترون

معنى التسمية: قرية العريس والصهر

Via @TetaLocanda

6. كفرحرّة، قضاء عكار

معنى التسمية:  قرية الحَر،  قرية السيد والامير

Via Lebanon.akkar

7. كفرحلدا، قضاء البترون

 معنى التسمية:  قرية الخلد

8. كفرحونة، قضاء جزين 

معنى التسمية:  قرية الشفقة والرحمة

9. كفرحيم، قضاء الشوف

معنى التسمية: قرية الحمو (بيّ الزوجة)

10. كفردبش، قضاء بعلبك 

معنى التسمية:  قرية العسل والدبس

Via @كفردبش

11. كفردينس، قضاء راشيا

معنى التسمية: قرية أدونيس، قرية الراية

Via @akhbarkfardines

12. كفررمان، قضاء النبطية

معنى التسمية: قرية الإله رمون (اللي رمزه شجر الرمان)، قرية الرمان

13. كفرشوبا، قضاء حاصبيا

معنى التسمية:  قرية الطقس الحَر 

14. كفرشيما، قضاء بعبدا

معنى التسمية: قرية شيما (اسم إله)، قرية الخوف

15. كفرصير، قضاء النبطية

معنى التسمية:  قرية المصوِّر، الشي المنقوش أو المحفور

16. كفرفيلا، قضاء النبطية

معنى التسمية: قرية الفيل، قرية الشق بين جبلين

Via @بلدية كفرفيلا

17. كفركدّه، قضاء جبيل

معنى التسمية: قرية الحرير، قرية الجرة والكوز، قرية الحظ

Via @كفركدّه جبيل

18. كفركلاّ، قضاء مرجعيون

معنى التسمية: قرية العرايس

19. كفرمتى، قضاء عاليه

معنى التسمية:  قرية القديس متى

20. كفرملكي، قضاء صيدا

معنى التسمية: قرية الأمراء والملوك

خبرونا بعد بالتعليقات، شو بتعرفوا أسامي ضيع لبنانية بتبلش بكلمة “كفر” كمان؟

شوفوا كمان، معنى أسامي ٢٣ من الضيع الحدودية بجنوب لبنان