أطيب ٩ محلات بتقدم كاسة سحلب هالشتوية!

الشتوية يعني دفا والدفا يعني سحلب. ولأن ما في أطيب من السحلب بهيك طقس، سحلبوا على هال-٩ محلات لتدفوا بطنكن بأطيب كاسة سحلب هالشتوية.

ما في شي بدفيكن غير كاسة سحلب.

١. هدى اي شوكولا Hoda Et Chocolat، الأشرفية

تلذذوا بأطيب كاسة سحلب سخنة مع كعك وشوكولا لتدفوا بطنكن عالآخر.

الرقم: 407 544 03

٢. كافي عيروت، إهدن

هالمحل قاعد بساحة الميدان وبقدم سحلب مع قرفة وكعك وبسكوت وكورن فلاكس ع جنب ومنظر برد الروح.

الرقم: 884 383 03

٣. ديوان الرومي، حدث الجبة

مطعم الجبلي مش بس بقدم أكل بيتوتي وأطباق المازة لي بتحبوها، بس كمان بحضر أطيب كاسة سحلب سخنة مع كعك وكورن فلكس

ورشة قرفة ع الوج.

الرقم: 498 984 78

٤. كوفي شوت Coffee Shot، الجديدة

هالقهوة المهضومة بتجبلكن كاسة سحلب مغلية على الهدا مع إضافات متل السيريلاك، الأريو، جوز الهند، اللوتس أو الفستق الحلبي حسب خياركن.

الرقم: 166 611 70

٥. عالذوق، طرابلس

جربوا عندن أطيب كاسة سحلب وسمونة مع أحلى رشة قرفة وخبز فرنجي ع جنب، غطسوا لقمتكن وبلوا تمكن.

الرقم: 724 527 76

٦. الفرن اللبناني، الأشرفية

أطيب شي بهيك طقس كاسة سحلب مع قطع كعك، بتتقدم سخن مع قرفة وكتير طيبة.

الرقم: 807 337 01

٧. الشامي، مار الياس

بحضر كاسات سحلب بتدفي البطن والقلب مع رشة قرفة، بتغطسوا الكعكة بالفنجان وبتشربوا وبتدفوا بطونكن.

الرقم: 558 375 01

٨. ج فيلادج G Village، شارع الجنرال ديغول

دفوا حالكن مع كاسة سحلب بتشق القلب و كم قطعة كعك وتوست ع الوج.

الرقم: 125 125 79

٩. أبو زهير حنقير، صيدا

بحضرلكن كاسة سحلب سخنة على الطريقة الصيداوية مع رشة قرفة وشوية جوز الهند ومكسرات ع الوج.

الرقم: 540 033 81

شوفوا كمان، ٥ مطاعم بتعمل أطيب منسف رز بلبنان.