ترند Pringles مع الشوكولا وصل ع لبنان عند هالمحل!
ترند Pringles مع الشوكولا من أكتر الترندات العالمية اللي عم تخلّي الكل يتحمّس يجرّبها، والفكرة بحد ذاتها غريبة وبسيطة بنفس الوقت: شيبس pringles مقرمش مع الشوكولا الدايبة، بينحطّوا سوا بالعلبة لتجمد الشوكولا، وبيصيروا قالب مقرمش واحد.
محل Poeme أخد هيدا الترند وعملو بطريقته الخاصة بمنتج Crispello الجديد. هالمنتج عبارة عن شبيس مغطسة بالشوكولا البلجيكية، يعني نكهة أرقى وتقديم أذكى. هيدا المزيج بين المالح والحلو دايمًا إلو جمهورو، لأنو بيعطي طعم مختلف ومفاجئ، وخاصةً إذا كانت الشوكولا نوعيتها طيبة وغنيّة.
وهالشي مش غريب على Poeme، لأنو صار معروف عنّن إنن دايمًا أوّل ناس بلبنان بيجيبوا الترندات العالمية وبيقدّموها بطريقة مبتكرة. من لوح الفستق والكنافة بالشوكولا، للفواكه المجففة المغطسة بالشوكولا، للموشي آيس كريم، كل مرة بيفاجئونا بشي جديد.
نحنا أكيد رح نجرب Crispello. لأنو إذا في محل بيعرف يوازن بين الجودة، الابتكار، والطعم، فهو Poeme. وبصراحة، فكرة الشيبس مع الشوكولا البلجيكية بتشهي، خصوصًا إذا الشيبس بعدها محافظة على قرمشتها.
هيك ترندات بتخلق ضجّة حلوة عالسوشيال ميديا، وبتخلّي الكل يشارك رأيه وتجربته. وأوقات، الخلطات الغريبة هي اللي بتطلع الأنجح… ويمكن هيدا هو سر جاذبية هيدا الترند.
