شوكولا أد ما بدكن ب15$…عرض مميز لأشهر محل كريب!
عرض جديد ومغري من Dip n Dip بمناسبة عيدهن الـ13، وعنجد شكله بيجنّن لعشّاق الشوكولا. محل الكريب الأشهر بلبنان عامل عرض فكرته بسيطة بس قوية: “All You Can Eat” بـ15$ للشخص. يعني بتقدروا تطلبوا وتاكلوا قد ما بدكن من حلويات الشوكولا!
العرض بيسمحلكن تختاروا أي أصناف من المنيو، ما عدا حلويات Mighty 20 والمشروبات. ومتوفر خلال أيام الأسبوع من الاثنين للجمعة، وبس جوا المحل.
اللي بيميّز هالتجربة هو التنوع الكبير بالمنيو. فيكن تختاروا بين بان كيك بالشوكولا، براوني غني، أو نكهات اللوتس. والكريب عالم لحالو: من خيارات خفيفة لخيارات أغنى مع براوني أو تريبل شوكولا، وحتى كريب “فيتوتشيني” الشهير عندن مع آيس كريم وإضافات حسب ذوقكن.
وكمان في وافل بأشكال مختلفة: كلاسيك، أو مع أوريو، لوتس، أو فواكه. وحتى سناكات متل waffle fries وwaffle sticks للي بحب يجرب شي جديد.
وإذا كنتوا مع أصحابكن، فيكن تشاركو أطباق “Dip n Share” يلي فيها ميكس بان كيك، كريب، براوني وسناكات مع صوصات شوكولا متنوعة.
هيدا العرض تجربة كاملة لعشّاق الشوكولا، فرصة تدلّلوا حالكن وتجرّبوا كل شي بلا حدود! ما تنسوا تابعوهن ع انستغرام هون. العرض متوفر بكل الفروع ما عدا صيدا وزحلة.
