لقينالكن أحلى 14 كافيه بشارع الجميزة!

اليوم مشوارنا بيروتي بإمتياز، رح ناخدكن على واحد من أجمل شوارع بيروت التاريخية: شارع الجميزة. هالشارع يعتبر أطول شارع ببيروت، وبترجع تسميتو لشجر “الجميز” اللي كان متواجد بكترة بهالحي من المدينة. مشوا معنا نتعرف شو فيه قصص حلوة ومخباية بهالشارع. يلا نشوف 14 كافيه بشارع الجميزة.

Levant

إذا عبالكن تعيشوا الجو البيروتي القديم، هالكافيه رح تنغرموا فيه وبكل تفاصيله. بديكور ع الدقة القديمة ونقشات بيروتية، بتدوقوا بهالكافيه أطيب الحلويات الشرقية متل حلاوة جبن، الصفوف، الداعوقية ع فنجان قهوة عربية غير شكل.

Moon’s

مونز كافيه بيتميز بالأجواء اللطيفة والتفاصيل الفنية بالجميزة! كتير رح يدهشكن الديكور مع الحلويات الفريدة يلي بيعملوها.

The Barn

مأكولات صحية من مكونات طبيعية، طعمها طيب وبيستاهل التجربة. عندن قهوة مميزة وتجربة برانش حلوة مع رفقاتكن.

حشيشة قلبي

إذا انتو من عشاق الأعشاب والخلطات الطبيعية، كافيه حشيشة قلبي بيقدملكن فنجان شاي دافي معمول من مختلف الأعشاب الجبلية، وع جنبو تحلاية بيتوتية طيبة.

الرقم: 777 738 03

Sip

هالكافيه بيتميز بقعدة رايقة وقهوة مختصة لكل اللي عم يفتش ع مطرح يشتغل أو يدرس فيه ع رواق.

الرقم: 569 567 01

Neighbourhood

إعزموا أصحابكن ع أطيب فنجان قهوة عند Neighbourhood! دردشوا وخلوا الأحاديث تاخذكن وتجيبكن مع ألذ تحلاية كيك بالشوكولا.

الرقم: 184 446 01

The Glow Paradise

إذا كنتوا بتحب البرانش أو الأكل الصحي، وجهتكن لازم تكون The Glow Paradise بالجميزة. عندن قعدة مهضومة، قهوة طيبة، وأطباق موسمية بتعطيكن طاقة لنهاركن

الرقم: 111 149 79

The Gou Life

كافيه انشهر بالجميزة لأنو بيعمل حفلات ع القهوة بدل مشروب. من ألذ القصص يلي ممكن تطلبوها عندن هي الماتشا!

Latte Art

كافيه عندو كذا فرع ببيروت، محبوب لقهوته الطيبة والحلويات اللذيذة. امرقوا لعندن من الصبح لتبلشوا نهاركن صح!

الرقم: 313 443 01

Hale

كافيه لطيف ع درج الجميزة، بتقعدوا جنب الياسمين مع الجو التراثي الحلو وبتنبسطوا بقهوتكن ع رواق.

الرقم: 232 921 03

قهوة ٦٠

قعدة موديل قديم بقلب الجميزة، هالكافيه والمطعم قاعد ع السطوح وعندو فيو روعة لبيروت كلها. فيكن تمرقوا تعملوا صبحية أو تتغدوا لقمة طيبة ع اللبناني.

الرقم: 000 196 81

Roselane Cafe

بتلاقوا عندن أطيب المأكولات الصحية والسناكات الخفيفة لتعطيكن نشاط وطاقة! عدا إنو مشروباتن كتير طيبة، من لاتيه الشاي، للماتشا، وعصائر طبيعية فريش.

الرقم: 767 717 70

Paul

المخبز والكافيه الفرنسي المحبوب عند كتار عندو فرع بالجميزة، زوروه وجربوا حلوياتن أديه طيبة ومميزة!

Coffeetastic

بتلاقوا هالكافيه المهضوم بقلب زاروبة زغيرة بالجميزة، عندو قهوة طيبة وقعدة حلوة مع ديكور من الورد.

الرقم:048 655 03

خبرونا حبيتوا هل 14 كافيه بقلب الجميزة؟

شوفوا كمان:

اكتشفوا الحمرا… 9 أماكن رح تنغرموا فيها!