أخيراً، Spa كوري للشعر صار ببيروت!

أكيد شفتوا تجربة Spa كوري للشعر اللي إنتشرت بشكل واسع على تيك توك و انستغرام! و للصراحة حلوة الفكرة انو ندلّع شعرنا خصلة خصلة مع أجواء مثالية للإسترخاء والراحة. وهلق فينا نخبركن انو صار فيكن تعيشوا تجربة Spa كوري للشعر ببيروت! 

@melon_park my scalp has never felt so clean😩🧼 #korean #seoul #thingstodo #thingstodoinseoul #seoulhairsalon #scalptreatment #headspa #scalpanalysis #koreanhairspa #fyp ♬ Perfect Night – LE SSERAFIM

إكتشفوا أفضل الإبتكارات بعالم العناية بالشعر عند حور  Hoore بالطيونة! المركز الأول اللي بيستخدم التقنيات الكورية التقليدية للعلاج و العناية بفروة الراس والشعر بلبنان، مع لمسات من الفخامة و التدليل لتستمتعوا بجلستكن. 

دللوا حالكن! بتحجزوا جلستكن مع أفضل محترفين المجال بلبنان، بتقعدوا بإسترخاء وبتروحوا ع عالم تاني. أول خطوة هي تقشير فروة الراس يدوياً للتخلص من أي تراكمات من الجلد الميت، والزيوت، وبقايا المستحضرات. وبعدها بيتم تنضيف وتدليك فروة الراس، مع مساج معمّق للرقبة والأكتاف والراس. وبعدها بيجي الجزء اللي كلنا ناطرينو اللي هو الإسترخاء وشعركن تحت شلال من الميّ (عنجد بيشبه الشلال). بيخلص العلاج بتطبيق الأعشاب والزيوت والسيرومات على شعركن وفروة رأسكن.

الأسلوب والطريقة المتبعة عند Hoore للعناية بالشعر بتغنّجكن ع الآخر، بإستخدام الأعشاب القوية والعسل والماسك المغذي لتجديد شعركن من الجذور للأطراف. هيدي التقنية الفريدة ما بتخلي شعركن روعة بس، وكمان بتحسسكن بالراحة من جوا!  Scalp Spa الكوري صدقونا انو طريقة إستثنائية لتدللوا حالكن وشعركن لأنكن بتستاهلوا! 

حسب صفحتن على السوشيال ميديا، العلاج عندن بكلف بين 60 و70 دولار، يعني هيدي تجربة فخمة، وكمان عندن باقات مخصصة بتوفرلكن خصومات كمان.

للمزيد من المعلومات والحجوزات، اتصلوا بمركز حور على 513 635 81. 

شوفوا كمان، ٥ بيوت ضيافة جبلية مع بيسين شوفي بلبنان