٣ محلات لسندويش كروسان لازم تجربوها ببيروت!

بس يضرب الجوع، ما في أطيب من قطعة كروسان محشية قصص طيبة. تعرفوا معنا على هال ٣ محلات ببيروت لي عم يعملوا كروسان مع حشوات مميزة.

١. كروسان على تشيكن سيزر من عند Mont Croissant، كل الفروع

قطع الدجاج المشوي اللذيذة وصلصة السيزر كلا موجودة بقلب قطعة الكروسان هيدي، يعني أكيد القطعة رح تشبعكن بعد نهار شغل متعب وطويل! جربوا عندن كمان مختلف أنواع الكروسان الحلوة والمالحة.

الرقم: 336 838 70

٢. كروسان على شاركوتري من عند La Degusteria، بدارو

كروسان محشية أجبان وحبش مع خضرا بقلب خبزة كرواسون عملاقة. كمان بقدموا أطباق البرنش وكل أصناف المشروبات والقهوة لي بفرفحوا القلب.

الرقم: 328 151 70

٣. كروسان على فريز وكريما من عند كروسان الحلاب، الحمرا

طبقات الكريم باتيسيير مع الفريز الطازة الحلوين والحامضين بنفس الوقت اجتمعوا بقلب هالكروسان الشهية مع رشة خفيفة من السكر البودرة. هالكروسان المحشية، مثالية للترويقة أو لوجبة خفيفة على العصرونية، رح تاكلوا صابيعكن وراها!

الرقم: 537 142 03

شوفوا كمان، مفاجأة للسناغل بعيد الحب: موعد مدبر بهالمطعم!