شوفوا معنا ٥٢ متل لبناني مهضوم عن شهر آذار!

ما في أهضم من الأمتال اللبنانية يلي بتخبرنا كيف كانوا جدودنا يشوفوا الحياة وأضحك شي أمتال أشهر السنة. من بعد ما خبرناكن عن أمتال شهر شباط، اليوم إجا دور شهر آذار.

١. انتبه بآدار لو السيل كرار

٢. آدار بحمض اللبن وببرطع الجمل وبتفتح العنقة والبنقة وببيض الشنار

٣. آدار أبو سبع تلجات كبار

٤. آدار الهدار في الصواعق والأمطار

٥. آدار شمس ومطار وبينشف الراعي بلا نار

٦. آدار أولو سقعة وآخرو نار

٧. بآدار بتفتح الورد زرار زرار

٨. برد آدار بقص المسمار

٩. كل رعدة بآدار مطرة بنيسان

١٠. بشهر آدار حط الموقد ع باب الدار

١١. بآدار بيتساوى الليل مع النهار

١٢. بآدار بتحيى الأشجار

١٣. بآدار العجوز ما بتفارق النار

١٤. شهر آدار ساعة شمس وساعة مطار

١٥. خبي جمراتك الكبار لعمك آدار

١٦. آدار الغدار

١٧. آدار فلت عقلو وطار

١٨. بآدار بتطلع الخبايا من الغار

١٩. بآدار بتنزل أم عمار عباب الدار

٢٠. بآدار بتجي الغنم قطار قطار والراعي بيضيع باب الدار

٢١. شتي آدار بيحي البار واللي ما بار، واللي أكلو الحمار

٢٢. إن أخصبت وراها آدار وإن أمحلت وراها آدار

٢٣. إن خلص آدار اللي عمّر عمّر.. واللي بار بار

٢٤. غيمة بآدار نعمة من نعمات الله الكبار

٢٥. بآدار رد البذار من الحقلة يا حمار

٢٦. بآدار بيضل البرد قايم طول ما المسيحي صايم

٢٧. بآدار بينتقل الكلب لفية الدار

٢٩. بآدار بينام الأعزب ع باب الدار

٣٠. بآدار بتغلى المونة و بيكتر النقار

٣١. بآدار بتطلع الحيايا من الغار

٣٢. الدنيا بآدار متل العروس بدارها

٣٣. بآدار بيبين الحائل من العشار

٣٤. الكرم إذا ما انفلح بآدار بار

٣٥. العشب بآدار قد دينين الفار

٣٦. بآدار طلع بقراتك من الدار

٣٧. بآدار بحمض اللبن وبيكتر الحشيش وبيبرطع الكديش

٣٨. حشيش آدار للشطار وحشيش نيسان للكسلان

٣٩. بآدار افطم ابنك ولو إنو قد الشنار

٤٠. بآدار بعشش الدوري وبتورق الأشجار

٤١. بآدار بتزهر الأزهار وبتورق الأشجار

٤٢. بآدار بتشتي سبع مطار

٤٣. آدار أبو الزلازل والأمطار

٤٤. آدار حبل ونيسان سبل

٤٥. إن لسن الزيتون بآدار ولفولو الزيار

٤٦. آدار يا إبن عمي، 4 منك و3 مني تنوقد الختيارة ردانا ونبيعها فدانا

٤٧. آدار الغدار: ٧ تلجات كبار ما عدا الزغار

٤٨. بآدار بتنقل الشمس من برج الحوت وبتقول للبرد موت!

٤٩. الزرع لي بموتو آدار ما بيحيي نيسان

٥٠. عجل آدار وجحش نيسان أحلى شي للإنسان

٥١. بشهر آدار بيشنهق الحمار

٥٢. بآدار ما لك طرش يقوم ولا مركب يعوم إلا بعد بواحير الروم

^{Credits: Joelleghaby}

بهيدا الشهر مساقب عيد الكبير عن الموارنة والكاتوليك ومبلش كمان شهر رمضان وصيام الروم، يعني ولعانة! كل سنة وإنتو بخير!

شوفوا كمان، ٤٦ متل لبناني مهضوم عن شهر شباط!