٣ فيديو كليبات لأغاني لبنانية مصورة على طريقة الكرتون!

تذكروا معنا هال٣ فيديو كليبات لأغاني لبنانية قديمة تم تصويرها على طريقة الكرتون.

١. هاني العمري: كلن شافوك

هاني العمري من الفنانين يلي كان عندن أفكار جريئة بعالم الفيديو كليبات والاغاني المصورة، أخد هاني هالخطوة وظهر بهالفيديو ع شكل رسوم متحركة وبطريقة غريبة مبتكرة متل ما معودنا بالفيديوهات يلي بيعملها ويلي عطول فيها أفكار غريبة وفات ع قلوب كل الناس. والفكرة الجديدة إنو تحول من شخص عادي لواحد مرسوم، شي خلا الكل يحكي عن الفيديو! مصور بضيعة كتير حلوة مع تقنيات جديدة ما كنا شايفينها من قبل، شي خلانا نضل نحكي عن هالفكرة المميزة بوقتها وحتى صاروا الولاد ينطروا الغنية مناطرة!

٢. راغب علامة: سهروني الليل

مش بس الغنية كسرت الأرض، حتى الفيديو كمان كان خرافي وحبوا الكبار والزغار والختيارية! رفقات حبيبة راغب بالفيديو مش بس مهضومين وبيعملوا جو، كانوا رسوم متحركة بيرقصوا بطريقة كتير بتضحك وهني الوحيدين يلي كانوا كرتون بالفيديو قال يصيروا يروحوا ويجو ويترجوها تصالحوا! خفة هالرسوم المتحركة وهالفكرة المبتكرة زادت من نجاح الغنية أكتر وأكتر.

٣. هاني العمري: بفكر فيك

ما اكتفى هاني العمري بفيديو كارتون واحد! من بعد نجاح التجربة الأولى، قرر هاني يكفي بفكرة جريئة مع فيديو غنية “بفكر فيك” يلي مش بس لحنها حلو وبيخليكن تفرحوا، لا الفيديو كمان أحدث ضجة كبيرة بوقتها بسبب طريقة تصورو الغريبة والمبتكرة! ظهر هاني العمري بالفيديو ع شكل كرتون عم بطير ويرقص، شي ما كنا شايفينوا من قبل بعالم الفيديو كليبات بلبنان!

شوفوا كمان، أول فيديو كليبات لأشهر الفنانين اللبنانيين!