مهرجان الربيع رجع ع ضبيه، والدخول مجاني!

رجع مهرجان الربيع ع ضبيه! هالحدث المميز رح يجمعكن مع العيلة وأصحابكن بأحلى جو.

زوروا من ٤ نيسان لغاية ٧ نيسان The Village، من الساعة 1 الضهر للساعة 11 بالليل وشاركوا بهالمرجان. صح بعد في وقت بس متل ما معودين عطول منجبلكن الأحداث والمهرجانات أول بأول.

بمهرجان الربيع رح تلاقوا كل شي:

رح تلاقوا المحل مليان ورود ملونة بتخليكن تحسوا بجو الربيع.

معارض متنوعة فيها إشيا كتير حلوة من الحرف اليدوية للأكل المحلي للوحات فنية وحتى تحف قديمة.

نشاطات ترفيهية للزغار والكبار: هدايا، فعاليات خاصة للولاد وكمان عروض موسيقية كتير حلوة، ورود وشوكولا.

و مش بس هيك! رح تلاقوا أكلات ومونة بتشهي كتير كلها ناطرتكن كلها محضّرة من إيد طباخين ماهرين.

وكمان المطاعم والكافيهات فيكن تزوروها وتستمتعوا بهالطقس الحلو والجو والعجقة.

مهرجان الربيع بضبيه هوي فرصة رائعة لتقضوا وقت حلو مع العيلة والأصحاب. رح تتعرفوا أكتر على تراث لبنان وعاداتنا، و كمان بتساعدوا المجتمع المحلي بشراء منتجاتن.

استغلوا الفرصة وشاركوا بهالمهرجان الرائع. عيشوا أجمل لحظات الربيع بضبيه من دون ما تتكلفوا ولا نغلة!

للمعلومات، اتصلوا على 088 923 71

شوفوا كمان، أكلات غريبة عجيبة منعملها بلبنان: بتعرفوها؟