١١ بانغالو مع جو رومانسي بلبنان!

إذا عبالكن تقضوا وقت رومانسي ومميز مع حبيبكن بقلب طبيعة لبنان الحلوة، جمعنالكن ١١ مكان ساحر بين بيوت خشب و بانغالو بتخليكن تنسوا هموم الحياة اليومية. من الجبال الخضرا للغابات الساحرة وحتى البحر، هالأماكن بتقدملكن جو من الرومانسية والاسترخاء. تعوا معنا نكتشف هالمحلات الرائعة يلي بتوفرلكن بيسين، جاكوزي، ومناظر بتطير العقل، بالإضافة لتجربة إقامة ما بتنتسى.

١. Pine Straw، دوما

عبارة عن بيوت خشب بقلب ضيعة دوما الحلوة، عندن القعدة بقلب الغابة وبين شجر الصنوبر وأكيد رح تستمتعوا بس تكونوا بقلب بانغالو مع حبيبكن وحتى في جاكوزي ومحل للشوي ومطعم بقلب الغابة كتير حلو.

الرقم: 332 006 03

٢. Dream House، اللقلوق

عبارة عن بيوت خشب قاعدين بالجبل، الطقس هون بجنن وبرود! بتقعدوا بقلب بيت خشب مجهز بكل شي، وأكيد رح تستمتعوا بالموقع الجبلي المميز والمنظر الخيالي على الجبال والضيع.

الرقم: 688 206 70

٣. أرصون فيلادج، أرصون

عبارة عن بيوت خشب بقلب الغابة محاطين بشجر الصنوبر. المنظر من هون بطير العقل، هالمكان مميز لكل المغرومين لي عبالن يهربوا من العجقة ويعيشوا يومين حلوين بالطبيعة.

الرقم: 111 228 71

٤. شرتون فيلادج، عاليه

عبارة عن بيوت خشب مجهزين بكل شي، بيجي عبالكن تضلوا بهيك محل مع حبيبكن مع قعدة بالجبل وبيسين خاص فيكن. وأكيد بتحلى السهرية ع ضو القمر.

الرقم: 602 601 71

٥. Dea del Mare، عمشيت

عبارة عن منتجع ومطعم على البحر دغري! بس لي بميز هالمحل هيي قعدة البانغالو لي مناسبة لشخصين مع جاكوزي خاص وبيسين مشترك وبحر ولا أجمل من هيك.

الرقم: 295 290 70

٦. La Maison de la Forêt، بكاسين

بتلاقوا بيوت خشب بنص غابة الصنوبر وقعدة من العمر، بتفوتوا على البيت بتلاقوا كل شي موجود. بتطلعوا على البلكون الخشب بتشوفوا الغابة، مغيب الشمس والأضوية الخافتة بالليل وأكيد المطعم جاهز يلبيكن بأي وقت.

الرقم: 222 800 07

٧. Forêt du Lac، أنان

مخبى بين شجر الصنوبر والقعدة عندو من العمر، الأوض واسعة وبتطل على منظر البحيرة وأكيد رح تلاقوا الرومانسية لي عم تنبشوا عليها.

الرقم: 393 956 76

٨. Wood Hills Resort، ميروبا

بتناموا مع حبيبكن بوحدة من الأكواخ الخشب، بتفيقوا الصبح بتشربوا فنجان قهوة مع أجمل منظر بالطبيعة، بتاكلوا أطيب ترويقة بترجعوا بتسبحوا بالمي مع البرودات. فيكن كمان تستفيدوا من خدمات السبا وترجعوا تكفوا نهاركن بالمي إنتو وعم تشربوا كاسة عصير وتشوفوا المغيب ورا الجبل.

الرقم: 786 177 76

٩. Breeze Bungalows، متين

بيت خشب وقعدة قش بتفش الخلق. هون بتلقوا هالأجواء الرائعة والجو بفرفح القلب. ترويقة غير شكل ناطرتكن كل صبح مع منظر حلو وجاكوزي للاسترخاء ولتقضوا وقت حلو مع حبيبكن.

الرقم: 990 125 76

١٠. Sea Ciel، البترون

عبارة عن بانغالو خشب قاعدين بالجبل مع بيسين ومنظر بطير العقل. عندن كل شي ممكن تحلموا في وبخليكن تقضوا عطلة مع حبيبكن. ما في أجمل من القعدة برا مع المناظر حلوة وجلسة مهضومة مع هوايات على الخفيف مطرح ما فيكن تشربوا قهوة وتتمتعوا بالهوا الطلق، أكيد فيكن تعيشوا الرومانسية بقلب الجاكوزي!

الرقم: 990 125 76

١١. Saghbine Bungalows، صغبين

مشروع بيطل على بحيرة القرعون الساحرة. وعندن كمان عرزال لكل حبيب حابب يقضي وقت رومانسي مع حبيبتو مع مناظر بترد الروح وهويات بياخدو العقل، تعشوا عل تراس وشوفوا ألوان غروب الشمس.

الرقم: 743 595 71

شوفوا معنا، وأخيراً… قرية للولاد مليانة نشاطات بقلب لبنان.