بيوت ضيافة ملونة فوق الشجر بقلب البترون!

تخايلوا حالكن برحلة ملونة ومريحة بمشروع ضيافة فريد من نوعو، كل هيدا بقرية جران الحلوة بقضاء البترون!

تخايلوا حالكن مرتاحين مع رواق الطبيعة، ساكنين بجناح بيت فوق الشجر بألوان كتير حلوة، المشروع إسمو بيت البياضة. مش بس هيك، هالمشروع مميز لأنو في رسالة قوية وعم يوعي عن أهمية شي كتير مهم.

هيدا المشروع المبتكر هدفو يدعم حقوق المرأة بلبنان ويرفع مستوى الوعي عن موضوع المساواة بين الجنسين، وتشجيع السياحة الريفية بلبنان، هالمشروع عم بذكرنا كمان بالنساء المناضلات حول العالم ويحتفل فيهن وبي يلي قدموا للمجتمع.

بتحسوا حالكن ببرشلونة، قاعدين بأوتيل من تصميم المهندس المعماري الاسباني الشهير أنطوني غاودي، بيوت الضيافة هيدي عبارة عن تحفة فنية ملونة كتير وغريبة التصميم. كل بيت ضيافة مسما على اسم امرأة مهمة بالعالم، ناضلت من أجل المساواة بين الجنسين، لتكون ذكرى عن النضال المستمر لتحقيق حقوق المرأة.

إذا كنتو عم تنبشوا عن مكان رومانسي أو مكان ترتاحوا في، هالبيوت المميزة رح تلبي حاجاتكن. في منن فيهن بيسين أو جاكوزي، لتجربة متكاملة وسط جمال الطبيعة الخلابة للبنان.

جران، قرية حلوة كتير بقضاء البترون، والأجمل من هيك إنو القعدة بهالبيوت فوق الشجر.

أكتر من مجرد مكان للضيافة، هالمشروع بيقدم رسالة حلوة، وجايبلكن كل الجمال وهدوء الطبيعة. ضبوا شنطكن، اختاروا بيت الضيافة عإسم البطلة المفضلة عندكن، واستعدوا لتجربة ملونة ما رح تنسوها أبداً.

عنجد مغامرة مميزة بقلب الطبيعة وفوق الشجر.

العنوان: جران، البترون
الرقم 341 597 03

شوفوا كمان، ٤٠ محل لازم تزوروهن بإهدن هالصيفية.