بيت ضيافة حجر مع بيسين بنص الحرش!

خلصنا من ضجة المدينة! اليوم رح نعرفكن على بيت حجر ساحر إسمو بيت الضيعة. هالبيت محاط بشجر الصنوبر يلي بيعطي ريحة حلوة وهدوء كبير بخلي الواحد يرتاح من العجقة والشوب.

وحدة من أهم الإشيا بهالبيت هوي البيسين بنص الحرش. مسبح بياخد العقل محاوط بالشجر وقاعد بقلب بيت ضيعة قديم، شكلو عتيق من برا مع قناطر بس هوي جديد بكل وسايل الراحة يلي فيه.

الطلعة التراس بتخليكن تشوفوا منظر الحرش والمنظر بطول العمر قد ما حلو. شو ما كنتوا عم تعملوا قعدة قهوة أو بس سهرية، التراس رح يخليكن تعملوا ذكريات كتير حلوة.

هالبيت إسم ع مسمى “بيت الضيعة” وقاعد بضيعة إسمها كور بقضاء البترون. عندو كمان ملعب باسكتبول وفوتبول لعشاق الرياضة وقعدة بيرغولا مع مناظر جبلية ولا أجمل من هيك، بستحلوا فنجان القهوة مع هيك منظر.

بدكن ربع ساعة وبتصيروا دغري بسوق البترون وحد المحلات والمطاعم الشهيرة والسوق يلي بعج بالحياة. يعني نومة بالجبل وقعدة على البحر بنفس الوقت، عم تتخايلوا الشعور قدي حلو؟

ولمحبي الأجواء الغرامية أكيد رح تعيشو الرومانسية كلها من خلال هالتجرية، وتتعشوا ع ضو القمر على التراس مع الإضاءة الساحرة! وفيكن كمان تسبحوا بالمسبح قد ما بدكن وترجعوا تقعدوا على البار وتضووا شموع وتعيشوا هالتجربة الفريدة بنص الحرش.

العنوان: كور، البترون
الرقم: 788 031 81

شوفوا كمان، بيوت ضيافة ملونة فوق الشجر بقلب البترون!