مفاجأة كبيرة بخصوص برنامج ستار أكاديمي

بعد ما كنا كلنا ناطرين عودة برنامج “ستار أكاديمي” اللي صار جزء من ذكرياتنا، إجا خبر صادم هزّ الوسط الفني بلبنان. حسب صفحة شربليتا، ملكة الحصريات، وبعد اجتماعات كتيرة بين بيار الضاهر، رئيس مجلس إدارة LBC، والمنتجة المنفذة للبرنامج رولا سعد، قرروا يوقفوا التحضيرات للموسم الجديد من “ستار أكاديمي“. السبب؟ الأوضاع الصعبة بلبنان والتهديدات اللي ما عم توقف بالحرب.

هالخبر شكل مفاجأة حزينة لكل يلي كانوا ناطرين عودة البرنامج المحبوب. كان من المقرر ينطلق ستار أكاديمي بحملتو الدعائية بنهاية الشهر الجاي، وكانت التوقعات كتيرة حول شو ممكن يحمل هالموسم من مفاجآت، وخاصة مع عودة الست رولا سعد لرئاسة الأكاديمية. ولكن، الأوضاع الراهنة فرضت تأجيل هالمفاجأة اللي كنا كلنا عم نترقبها بفارغ الصبر.

اللي زاد من حزن الفانز هوي الإعلان عن استبدال “ستار أكاديمي” بموسم جديد من برنامج “نقشت“. صحيح “نقشت” برنامج بيحظى بجمهور كبير، ولكن ما فينا ننكر إنو ستار أكاديمي إلو مكانة خاصة بقلوب الناس، وكتير كانو عم يحلموا برجوعو.

قرار توقيف البرنامج إجا بوقت حرج، خاصة أنه البرنامج كان واقف لسنين، وكلنا كنا ناطرين يرجع بوقت شحت في الرامج اللبنانية الملسة على الشاشات ليعيد إلنا لحظات الحماس والمنافسة اللي كنا نعيشها بكل موسم. بعد هالخبر، الإحباط عم يعم بقلوب عشاق البرنامج، خاصة مع الذكريات الحلوة اللي بيحملها ستار أكاديمي لكل بيت.

مع هيك، الأمل موجود إنو بالرغم من هالظروف، نرجع نشوف “ستار أكاديمي” يرجع يومًا ما، ويعوضنا عن هالخيبة. بالنسبة لكتار من الناس، ستار أكاديمي مش مجرد برنامج، هو فصل من حياتن مليان ذكريات ومشاعر.

بالنهاية، برغم من كل شي، بنضل نتابع المستجدات ونتمنى الأفضل للبنان، ومنأمل إنو الظروف تتحسن ونقدر نعيش هالفرحة من جديد.

شوفوا كمان، فنانة لبنانية بتغني ب28 لغة؟ مين هيي يا ترى.