بقلب حمانا: بيت ضيافة حجر وبيسين بين شجر الزيتون

إذا عبالكن تقضوا ليلة ببيت ضيافة حجر بجو حميمي، شبابيكو زرق، وبيسين مع فيو بيوخد العقل، فـ”تشيري تايلز” بحمانا هو المكان يلي لازم تزوروا. هيدا البيت الضيافة جزء من مطعم “تشيريلاين“، وإسمو مستوحى من الكرز اللي بتتميز في ضيعة حمانا.

المحل قاعد بوج قصر لامارتين الأثري، ومحاوط بكل أنواع الشجر يلي بزيد من سحر المكان. الجو هون بيشبه ضيعة حمانا بكل شي طبيعي: الحجر، البيوت، وحتى الأكل. ومن بعد ما تعيشوا هيدا الجو الساحر، فيكن تكملوا السهرة ع سطح “تشيريتايلز” يلي هوي كمان “رووف توب بار” بيوفر طلة بتسحر العين والقلب وعندو أجواء عصرية بتعيشوا فيها أحلى اللحظات.

والأحلى إنو المطعم جايبلكن نكهات طليانية وفرنسية مع لمسة لبنانية، وأطباق معمولين من الكرز الحلو، فكل لقمة عندن بتاخدكن برحلة على عالم تاني.

إذا كنتوا من محبي السباحة، البيسين بين شجر الزيتون هوي المكان المثالي لتهربوا من شوب الصيف وتبوردوا. ما في متلو، فيو بيطير العقل ومناخ بطول العمر.

كمان ما تنسوا تجربوا القعدة عتراس البيت، وتقضوا يوم ما بيتنسى، تحت الشجر مع ريحة الأرض والورود اللي حوالينا. هيدا الجو بحد ذاتو بيخليكن تحسوا إنكن بقلب حمانا القديمة، بكل أصالتها.

لما تفكروا تزوروا، تذكروا تتصلوا وتأكدوا من الحجز، لأن هيدا المكان، مع كل شي حلو في، بيكون عادةً مليان خصوصي بالويك أند.

العنوان: حمانا
الرقم: 232 533 05

شوفوا كمان، ٥ بيوت ضيافة جبلية بقلب الضيعة.