شكلي بعدو نفسو.. ندى كوسا عن رفضها بمسابقة ملكة جمال لبنان قبل سنتين

قبل فترة، كشفت ندى كوسا عن معلومات حصرية عن مشاركتها بمسابقة ملكة جمال لبنان 2024. قالت ندى كوسا بالمقابلة ع LBCI إنها قدمت على المسابقة من قبل، بس انرفضت وإصرارها هو يلي خلّها تكفي لتحقق حلمها إنو تصير ملكة جمال: “قدمت على Miss Lebanon  من سنتين وما انقبلت، بس عندي حلم كان إنو كون موجودة بهل competition. لهيدا السبب رجعت قدمت وكان عندي إصرار إني قدم”. حضروا هون: 

ولكن، كيف تعاملت ندى كوسا مع رفضها في مسابقة ملكة جمال لبنان؟ بمقابلة مع ميلاد حدشيتي ببودكاست “كيف الحال؟” ع التلفزيون العربي القناة ٢ بتكشف ندى تفاصيل أكتر عن تجربتها مع الرفض. بيسألها ميلاد لندى: “كيف تعاطيتِ مع الرفض أول مرة؟”

وهيك كان ردّها الحلو: “أنا عرفت إنو عندي شي لازم اشتغل عليه أكتر. أنا رجعت ع بيتي وفكرت ليش أنا ما انقبلت، وين المشكلة؟ شكلي ما تغير…شكلي بعدو نفس الشي! بس أنا ركزت ع طريقة حكيّ، ركزت على إنو كون أقوى بالمجتمع، ركزت إني كون أدائي أفضل”.

ندى قررت تواجه الرفض بالإصرار إنو تشتغل ع حالها: “أنا بعتبر من سنتين كنت أصغر، كنت بعد ماني متمكنة من حالي مزبوط وكان دافع لإلي إنو أنا روح اشتغل على حالي، صير أفضل، واحصل ع اللقب”.

ندى كوسا رح تمثل لبنان بمسابقة ملكة جمال العالم 2025 ومنتمنالها كل التوفيق!