دكتور فود وصنشاين نجوم مسلسل جديد؟ التفاصيل هون!

بعد غياب 8 أشهر عن السوشال ميديا، دكتور فود رجع ليحكي عن سبب اختفاؤه وكل الإشاعات اللي طلعت عليه بهالفترة. ببساطة، قرر ياخد بريك ليقضي وقت مع عيلتو ومع ابنو الزغير، بعيد عن الضجة والمشاكل.

بس ما كان بس قاعد مرتاح، لأنو بهالفترة كان عم يحضر لمنتج جديد ناوي ينزلو عالسوق، وعم يقول إنو هالمنتج بيشبه مرتو صنشاين، “حبيبة قلبو” متل ما سماها.

بمقابلة مع Lebanon On، حكى دكتور فود عن المشاكل اللي تعرضلها، وقال إنو في ناس حاولوا يعملولو “إغتيال معنوي” ويوقفوا شغلو وينهوا مسيرتو، بس رغم كل شي، بعدو واقف وماشي بالعكس أقوى من قبل.

واللافت إنو عبر عن أملو الكبير بلبنان، ووجه طلب خاص للرئيس جوزيف عون، إنو يعمل حساب تيكتوك ويعزم كل التيكتوكرز عالقصر، متل ما عمل الرئيس أحمد الشرع بسوريا.

أما المفاجأة الكبيرة، فهي إنو شروق تواصلت مع نتفلكس بخصوص فكرة مسلسل جديد، بس بعدن ناطرين يشوفوا جدية الموضوع. فهل ممكن نشوف دكتور فود وصنشاين عالشاشة قريباً؟ خلينا ننطر ونشوف!

شوفوا كمان، أسرار حياة شروق صانشاين: شو لي ما بتعرفوا عن زوجة دكتور فود؟