أجمل ٤٣ محل لتعيشوا جو الربيع حول لبنان

ما في أحلى من الربيع بلبنان! إذا كنتوا من عشّاق الربيع وعبالكن تعيشوا أجواؤه بكل تفاصيلها، هيدا الدليل إلكن. بما إنو بلّش يدفى الطقس، كل زاوية بلبنان عندها طريقتها الخاصة لتحتفل بالربيع، وأكيد رح تلاقوا المكان اللي بيناسبكن لتعيش هالتجربة بأحلى طريقة. بهيدا المقال، جمعنالكن أجمل ٤٣ محل لتعيشوا جو الربيع حول لبنان.

بقلب بيروت:

1. Bouquet Délicieux، بدارو

محل ورد وكافيه كتير لطيف، بتطلبوا قهوتكن وجنبها بوكيه ملوّن!

الرقم: 291 201 03

2. جاكراندا، مار مخايل

كافيه ومطعم مستوحى من جمال شجر الجاكراندا البيروتي، جربوا القعدة تحت فياتها والرواق عندن غير!

الرقم: 522 637 76

3. بيت كافيه، مار مخايل

في أجمل من قعدة بين الورود وبين الخضار؟ هيدا الكافيه الرومانسي ما في متلو ببيروت.

4. Albergo، الأشرفية

أجمل أوتيلات بيروت عندو مطعم وكافيه بين الخضار بنسيكن إنكن بالمدينة! 

الرقم: 797 339 01

5. Agora، مار مخايل

قعدة تحت الشجر وجنب نافورة المي بقلب بيت بيروتي قديم!

الرقم: 304 109 70

6. Joy Beirut، قريطم

قهوتكن عند جوي ما بتكمل من دون وردة ملونة وابتسامة ع وجكن!

الرقم: 589 996 03

7.  Galilee، رح يفتح قريباً

جوهرة مخفية رح تفتح قريباً ببيروت، كل تفصيل بهالمكان بذكركن بالربيع ورومانسيتو!

8.  Maison Reef، رملة البيضا

القعدة رومانسية بين نقشات الورود ما بتتفوت عندن هالربيع! 

9. Kalei، راس بيروت

بتعرفوا في بيت بيروتي مع قعدة بتروق الراس بين الشجر بيقدم قهوة مختصة ومخبوزات بتشهي؟

الرقم: 342 780 03

10. Orenda، مار مخايل

مكان بيغمركن بألوان الربيع، الأطباق الغنية، والقعدة تحت الشجرات وبين الفنون. 

الرقم: 886 927 03

11. Union Marks، برج حمود

زاوية مخباية ببرج حمود، بالنهار عندن برغر وقعدة بقلب جنينة وبالليل بيصير بار مميز للسهر.

الرقم: 255 100 71

12. درج، مار مخايل

درج هو جوهرة مار مخايل الزهرية ! تفرجوا ع جمال المحل، اقعدوا جنبكن الورود، وجربوا كيك العسل يلي بيعملوها! 

13. ماريو إي ماريو، مار مخايل

مطعم إيطالي عندو قعدة كتير رومانسية، قعدة تراس مع خضار معلّق وأطباق بتشهي.

الرقم: 036 888 76

14. La Ménagerie، الأشرفية

كافيه ومحل ورود مخبى بالأشرفية، ومش بس هيك، كمان بيستعمل الورد بوصفاتو! 

الرقم: 499 500 71

15. La Burrateria، الجميزة

قطعة من إيطاليا بقلب الجميزة، ألوانها الربيعية، النقشات الإيطالية، والفواكة المزينة المحل، كلو رح يفرفح قلبكن من جوا!

16. Le Jardin، الأشرفية

قعدة جنينة بقلب الأشرفية بتقدملكن سهرات حلوة وممتعة.

الرقم: 076 343 03

17. كافيه يونس، الحمرا

عبالكن قهوة مختصة وقعدة تحت شجر الإكدنيا؟ لازم تزوروا فرع كافيه يونس بالحمرا!

الرقم: 577 397 01

18. ملفوف استديو، جعيتاوي

محل بيعمل ورشات بتعلمكن تنسيق الزهور وكيف تعملوا بوكيه خاص فيكن، أديه مهضوم؟

الرقم: 274 930 71

19.  أباجور ، العدلية

العروض الممتعة، الليالي الحية، والقعدة يلي بتذكركن بجنينة البيت عند أباجور!

الرقم: 050 614 01

20. صالون بيروت، الحمرا

زوروا صالون بيروت وقت البرانش وانبسطوا بتجربة حلوة بقلب حديقتن!

الرقم: 317 133 03

21. Maison Prunelle، وسط بيروت

أول ما تدخلوا عندن رح تلاحظوا نقشات الورود وين ما كان، ع البلاط، الكراسي، الأطباق. جربوا عندن حلويات فرنسية مع أجواء بتاخدكن ع باريس.

الرقم: 806 999 81

22. Villa Clara، صيفي

فيلا كلارا زاوية لطيفة بصيفي لتنبسطوا بأطباق طيبة وجنبكن ورود ملونة! 

برات بيروت:

23. Cherry Pastry & Cafe، خلدة

مطرح جايي من عالم باربي، كلو زهر ومغطى بالورود، وكمان بيعملوا كيك بيشهو!

الرقم: 654 691 81

24.  Flower Bean and Co، الجية

محل ورد وكافيه بنفس الوقت بيقدم تجربة لطيفة بين الخضار! 

الرقم: 822 784 71

25. شي جوليت، القليعات 

في أحلى من إنو تقضوا نهار بآذار بين الورود بقلب جنينة بالجبل وجنبكن فواكة من كل الأصناف؟

الرقم: 662 585 03

26. كيف جزين، جزين

الربيع عند كيف جزين عندو سحرو الخاص، برا بتلاقوا الورود وين ما كان مع قعدات بتاخد العقل!

الرقم: 449 441 70

27. Little Byblos، جبيل

كافيه زغير بجبيل، بيقدملكن قعدة بين الورود والنبات مع إطلالة ع القلعة التاريخية!

28. Greenhouse cafe، البترون

جوهرة البترون يلي بتجمع الجو البيتوتي بالقعدة بين الشتل والخضار، عندن منظر ع غروب الشمس خيالي!

الرقم: 310 125 70

29. Fay، البترون

تخايلوا حالكن هالربيع قاعدين ع ترسموا بقلب مشتل؟ أو تشربوا قهوة بقلب جنينة؟ هيدا وأكتر عند فاي!

الرقم: 162 614 71

30. بيت الجبل، دير القمر

الربيع ما بيكمل من دون مشوار ع دير القمر، وما إلكن إلا تكملوا عند بيت الجبل لتجربوا القعدة من فوق أجمل التراسات بلبنان! عندن حدايق معلّقة بأجواء تراثية روعة. 

الرقم: 767 160 71

31. IXSIR Wine، البترون

تجربة تذوق النبيد بين البساتين هالربيع عند إكسير!

الرقم: 613 631 71

32. Crop، الكورة

الأكل عند كروب دغري طازة من المزرعة، والقعدة محاوطة بالخضار كيف ما تبرموا. 

الرقم: 090 159 03

33. Fiore، تعنايل

محل ربيعي بإمتياز بقلب كاسكادا مول. عندن مشروبات ملونة ومنعشة مع حيطان مزينة ورد من فوق لتحت!

الرقم: 728 223 70

34. الحوش، حوش الغنم البقاع

عيشوا أجواء الريف بقلب مزرعة بالبقاع، بساتين ع مد نظركن وتحويش فواكة، وقعدات ما بتخلص بالجنينة!

35. E Cafe، جبيل

سوق جبيل من أجمل المطارح تزوروها بالربيع، وهالكافيه رح يستقبلكن ع أحلى قعدة بقلب هالسوق، تحت الزهر وبين الحجار القديمة.

الرقم: 316 163 03

36. بيت الغابة، بكاسين

من أجمل التجارب الربيعية يلي الكل بيحبها إنو تتمشوا بقلب الطبيعة، فكيف إذا كانت بقلب أكبر غابة صنوبر بلبنان أو القعدة بقلب كوخ خشبي؟ 

الرقم: 222 800 07

37. Double T، الشبانية

هيك بيكون أجمل مشوار بالربيع: غدا ع تراس تحت شجر الصنوبر وبقلب غابة بعيد عن العالم!

الرقم: 919 021 70

38. La Becasse، الشبانية

هالكوخ الخشب عبارة عن مطعم مغمور بالورود وقاعد بقلب غابة ساحرة!

الرقم: 792 491 70

39. بيوماس، جربتا

البوفيهات بقلب الطبيعة مع نسمة الهوا الحلوة بتلاقوها عند بيوماس. رح يفتح قريباً هيدا الشهر وبيصير جاهز يستقبلكن!

الرقم: 532 532 03

40. وادي شمسين، برالياس

شو بتلاقوا عند مطعم وادي شمسين؟ قعدة من فوق النهر، مطلة ع البقاع الغربي، ومحاوطة بالجنينات وين ما كان!

الرقم: 377 677 81

41. مطعم الشمس، عنجر

مطعم الشمس غني عن التعريف بلقمتو الطيبة، بس كمان يلي بميز هالمطعم هي قعدتو الساحرة بقلب الجنينات يلي عندن. 

الرقم: 800 621 81

42. Bayt Setti، زغرتا

الكبة الزغرتاوية بقلب مطعم قزاز محاوط بالشجر من كل الميلات بس عند مطعم بيت ستي!

الرقم: 528 428 81

43. مطعم شلالات الزرقا، بعقلين

شو مشوارنا المفضل بالربيع؟ أكيد طلعة ع بعقلين، وسفرة لبنانية مفروشة قدامنا مع صوت الشلال وبين الورود!

الرقم: 301 560 03

خبرونا، أي مشوار حابين تجربوا هيدا الربيع بلبنان؟ 

شوفوا كمان، أجمل ٩ كافيهات مع جنينة بقلب بيروت