طرابلس من السما غير… صار في paragliding بالشمال!

إذا بتحبّوا المغامرة، وهلّق عبالكن تكتشفوا لبنان من السما… عنا إلكن أحلى خبر! صار فيكن تعيشوا تجربة البراغلايدنغ أو الطيران الشراعي الخيالية من طرابلس! فريق Paragliding Jounieh الشهير، يلي معروفين بالاحترافية والخبرة العالية، تعاونوا مع منتجع La Madera ليجيبوا هالنشاط الرائع على خليج طرابلس الحلو!

من هلّق ورايح، فيكن تطيروا فوق المنية! صار فيه منصة paragliding جديدة مخصصة لهيدي التجربة بجبل تربل طرابلس، حتى تشوفوا جمال البحر والشط من فوق. كأنّكن عم تحلموا…المنظر من فوق خيالي، رح تحسّوا إنّكن طايرين فوق أحلى بقعة بالشمال.

وتجربة الهبوط قصة تانية، بتنزلوا ع الأرض بس ابتسامتكن بعدها بالسما!

التجربة مناسبة للكل (أكيد إذا ما بتخافوا) أو حتى إذا حابين تتخطوا هيدا الخوف وتعيشوا تجربة من العمر. الفريق بيعطيكن كل الإرشادات و التعليمات وبيهتم بكل شي لسلامتكن وراحتكن خلال هيدي الرحلة. إذا عبالكن تعيشوا شي جديد، ومليان أدرينالين، إجا وقتها!

بتقدرو تحجزوا مغامرتكن مع @paraglidingjounieh.lebanon ع الرقم: 833 059 70، وإذا بتحبّوا تقضّوا نهار كامل، La Madera Resort هو المكان المثالي ليكمل النهار بين مسبح، أكل طيّب، وجو صيفي ما بينتسى! ☀️

شو ناطرين؟ جهّزوا حالكن للطيران، وخبروا أصحابكن…طرابلس صارت أحلى من فوق! 🪂✨🌊

عجبتكن تجربة paragliding من طرابلس؟ إذا حابين تكتشفوا المزيد عن عروس الشمال وشو مخبية مغامرات ومشاوير، شوفوا قسم #طرابلس ع الموقع.