قعدة جنينة بتسرق القلب… الفلمنكي وصل ع أنطلياس!

إذا كنت من عشّاق القعدة بالجنينة، صار فيك تعيش هالتجربة الساحرة بفرع الفلمنكي الجديد بأنطلياس. لمحبي الجمعات الحلوة، الأكل اللبناني الطيب، والقعدة بالطبيعة، لازم تحطّوا جنينة الفلمنكي على الليستة.

من بعد ما صار اسم الفلمنكي معروف بكل بيروت من ورا قعدتو ع الروشة، هلق إجا دور أنطلياس. الفرع الجديد محافظ على نفس الجوّ يلي كلنا منحبّو: تراث لبناني، طاولات وقعدات مفرشين بنقشات وكروشيه، كراسي خشب بتذكّرنا ببيوت جدودنا، وزوايا كلها دفى وحنين. بس هالمرة، عندو سحر خاص: قعدة جنينة بتاخد العقل!

أول شي بيلفتك هو الجو، ريحة الورد، وطاولات موزعة بين الزرع، بتخلي قعدتك متل الحلم! الجنينة مصممة بطريقة بتدمج بين البساطة اللبنانية والأناقة، وبتحسّ حالك بضيعة، بس مع كرم ضيافة بيروتي بامتياز.

خصوصي بهالطقس الربيعي، قعدة الجنينة بتخلي الواحد ما إلو قلب يقوم. تخيّل حالك قاعد تحت شجرة، محاوط بالخضار، وعم تسمع صوت فيروز عم يعبّي الجو. القعدة هون مثالية لترويقة الصبح، غدا مع العيلة، أو عشا رومانسي ولطيف.

المطعم واسع ومناسب لكل الأجواء. والأكل؟ متل ما عوّدنا الفلمنكي، من المناقيش الطازة على الصبح، للتبولة والفتوش والمشاوي، وكل هالأكلات اللبنانية الطيبة يلي بتخلّي الطاولة معجوقة. وما مننسى الحلو والقهوة، يلي بيكملوا القعدة ع الآخر.

الفلمنكي ب أنطلياس هو المكان المثالي لتجربة لبنانية أصيلة بقلب الطبيعة. ما تفوّتوا الفرصة وما تنسوا تابعوهن ع إنستغرام @alfalamanki، الصور لحالن بيردّوا الروح.  يلا ناطركن الفلمنكي على لقمة طيبة وقعدة بتروق الراس! 🌿🌸🍽️🥗🌷🌳🪴

📍 العنوان:

الفرع الجديد موجود ب Zero4 بأنطلياس.

📞 للحجز والاستفسار:

اتصلوا على 545 414 03.

شوفوا كمان، بين ألف زيتونة… مطعم بالجنوب بيخطف القلب!