من بعد ما كسح السوق…تعنايل عم تلمّح لنكهات جديدة!

تعنايل Taanayel Les Fermes ، الماركة اللبنانية اللّي كلنا منحبها، فجّرت مفاجأة ع إنستغرام! نزلوا بوست عم يلمّح لنكهات جديدة جاية قريباً ع منتج اليوغورت اليوناني المشهور تبعن أو ما يعرف ب Greek Yogurt، اللي صار ترند بكل المحلات وعم يخلص بسرعة رهيبة.

وهيدي الرسالة الكاملة اللي شاركوها مع المتابعين عبر حسابن:

“لكل محبي Greek Yogurt!

شفنا الـ tags، قرينا المسجات، وحتى ضحكنا ع الميمز! شكراً من القلب ع كل هالحب اللي غمرتوا منتج Greek Yogurt فيه!

حماسكن ع اللوك الجديد والأحجام الأكبر فرّحنا عنجد!

وبسبب الطلب الكبير، بعض من النكهات المفضلة عندكن يمكن عم تخلص أسرع من العادة. بس ما تاكلوا هم، نحنا عم نشتغل بأقصى سرعة لنرجّع الكميات ع السوق بكل المناطق بلبنان، تيضل برادكن مليان ع أد حماسكن!

تنطمنكن كمان: الوصفة، الجودة، والسعر كلّن بعدن متل ما هني. ما في لا تغيير ولا استراتيجيات جديدة، بس نفس طعمة تعنايل اللي بتحبّوها، هلّق بلوك جديد!

عم نشتغل ورا الكواليس ع نكهات جديدة ومشوّقة، كتير متحمسين نكشف عنها قريباً!

بمجرد ما تختارو تعنايل، إنتو عم تدعموا المزارع اللبنانية، الإنتاج المحلي، وإيداين لبنانية عم تشتغل ع كل علبة. كرمال هالشي، نحنا ممنونين من القلب

شكراً إنكن جزء من هالمسيرة.
نحنا شايفينكن، مقدّرينكن، وعم نشتغل كرمالكن.

مع كل الحب،
فريق Taanayel Les Fermes”

نكهات جديدة ناطرتكن من Greek Yogurt عند تعنايل!

النكهات الأساسية هي: بلوبيري، وفريز، وخوخ (الدراق) ، وسادة. وكلها طارت من البرادات من كتر ما العالم عم تطلبها. وهلق؟ تعنايل زادت الحماس عند كل الزباين. يعني واضح إنو في شي جديد وطيب عم يتحضّر، بس بعد ما كشفوا عن التفاصيل.

شو أولكن رح تكون النكهات الجديدة؟ صراحة، نحنا حابين نشوف نكهات صيفية طالما قربنا من الموسم! كلنا ناطرين ومتحمّسين!

وإذا بعدكن ما جربتوا Greek Yogurt عند تعنايل، لازم تركضوا ع أقرب سوبرماركت، وإذا لقيتوا اعتبروا حالكن محظوظين. واللي جرب؟ حضّر حالك للنكهات الجديدة… شكلها رح تكون غير شكل! 😍🐄🇱🇧

شوفوا كمان، أخيراً، لبن تعنايل المحبوب نزل بحجم كبير، وهيك سعرو!