ضيعة مهجورة بيسكنها بس شخصين… قضوا ليلة بوادي قنوبين!

بتعرفوا فيكن تقضوا كم ليلة بقلب ضيعة مهجورة ومقطوعة عن العالم؟ تخايلوا بعمق وادي قاديشا، في ضيعة وادي قنوبين الصغيرة اللي نساها الزمن، ما بيعيش فيها غير شخصين كل أيام السنة، وبالصيف بينزل عليها كم شخص من أهل الضيعة. بكعب هيدا الوادي، في بيت ضيعة تراثي اسمو “قلب قنوبين” ناطركن ع أجمل قعدة حجر بعيدة عن العالم!

بس ليه مهجورة الضيعة بالشتا؟ الجواب بسيط: حتى اليوم، أهل الضيعة بيوصلوا ع بيوتن من أرض وعرة، وهالشي بيصير أصعب بكتير وقت البرد والتلج.

هيدا الموسم، فيكن تهربوا من الضجة وتعيشوا تجربة فريدة من نوعها عند قلب قنوبين. مشوار الطريق بياخدكن شي ساعة مشي أو Hike، بتمرقوا من جهة الفريديس مزرعة النهر. بس ما تخافوا، لأنو الدليل بيكونوا معكن.وبالآخر، بتوصلوا ع الضيعة، كم بيت حجر وكنايس تاريخية، ما بتسمعوا فيها غير صوت الطبيعة.

شو فيكن تعملوا عند بيت قلب قنوبين؟

أول شي لازم تعملوه لما توصلوا هو الاسترخاء التام. اقعدوا ع التراس وتأملوا المشهد الخيالي قدامكن، عنجد أروق قعدة!

وما في أطيب من وجبة غدا ع التراس. الجو بيخلّي كل شي طعمو أطيب، سواءً أكلتوا من ديات المضيف أو جبتوا أكلكن معكن. كل لحظة بهالبيت الريفي بتحسّوها متل حلم… كأنكن بزمن تاني، بعيد عن كل شي وقريب من الهدا والطبيعة.

وسوا مع الدليل، بتنطلقوا بجولات hiking ع دروب وادي قنوبين، وبتكتشفوا المعالم الروحية والتاريخية المنتشرة بالطريق. كل خطوة بتحكي قصة، كل صخرة إلها حكاية!

استكشفوا المغارات القديمة المنتشرة حول الضيعة، وابرموا بين الكنايس المعلقة بالجبال! وادي قنوبين من أجمل المناطق بشمال لبنان. معروف بتاريخو الروحي العميق، خاصةً لأنو كان ملجأ للرهبان والنساك من أوّل أيام المسيحية. فيه أديرة قديمة محفورة بالصخر متل دير قنوبين يلي كان مقر البطريركية المارونية، ودير مار أنطونيوس قزحيا يلي احتضن أول مطبعة بالشرق، ودير مار إليشع يلي هو مغارة بحد ذاتها وبيرمز لبداية الرهبنة بلبنان.

لمحبي التصوير، المناظر الطبيعية بهيدي المنطقة بتاخد العقل! امرقوا بغابة أرز الرب العريقة، وزوروا بلدة بشري، ومتحف جبران خليل جبران. وادي قنوبين وجهة مثالية لكل حدا عم يفتّش عن تجربة فريدة بقلب لبنان.

وآخر النهار، قضّوا ليلة من العمر بهالجو الساحر! اغفوا ع صوت الوادي، وفيقوا ع منظر الشمس عم تشرق قلب قنوبين بيقدملكن تجربة ما بتنتسى. واللي حابب يشاركها مع رفقاتو، رح ينبسط كتير!

بس بـ 60$ ع الشخص، بتشمل ترويقة، غدا، عشا، نومة بالبيت، وجولات بالطبيعة. ما تنسوا تابعوهن هون. 

للمزيد من التفاصيل، تواصلوا ع الرقم: 241 126 71 – 681 531 03. 

شوفوا كمان، دليلك لأجمل 14 متحف بكل بيروت – تاريخ، فنّ، وثقافة!