مهرجان الكرز حمانا: أكل طيب، قطاف الكرز، وأجواء صيفية (الدخول مجاني)
إذا بعد ما قررتوا وين بدك تروحوا هيدي الويك-أند، خلّينا نقلكن: مهرجان الكرز حمانا هو الوجهة الأحلى هيدا الشهر! المهرجان بـ14 و15 حزيران والدخول مجاني، والأجواء احتفالية بترافقكن من أول النهار لآخر الليل!
ضيعة حمانا، المعروفة بكرزها الطيب الأحمر، الأسود، والأصفر، عم تحتفل بعيد الكرز السنوي. بهالمناسبة، كل سنة بتتعبى الشوارع بالكرز، من منتجات لمربّى وعصير وحلويات ولا أطيب! وكتار بيجوا ليشاركوا بتحويش الكرز بإيديهن من بساتين حمانا، تجربة حلوة بتبقى بالبال!
خلونا نخبركن عن برنامج مهرجان الكرز حمانا 🎶🍒
📅 نهار السبت 14 حزيران 2025
النهار الأول من المهرجان رح يكون غني بالعروض والفن والموسيقى والنشاطات لكل الأعمار!
🕚 البرنامج:
11:00 ص: افتتاح الأسواق
11:00 ص – 8:00 م: ألعاب أطفال ورا مبنى البلدية
12:00 ص: الافتتاح الرسمي برعاية وحضور وزيرة السياحة السيدة لورا الخازن لحود
12:30 ص: عرض موسيقي بأسواق حمانا
6:00 م: عرض الزوميا على المسرح
7:00 م: ميشال على الساكسوفون
8:00 م: ماري جو متى وجويا بو فرح
8:30 م: عرض النار بالسوق التحتاني
9:00 م: نجيب رزق على المسرح
10:00 م: عرض ألعاب نارية
📅 نهار الأحد 15 حزيران 2025
اليوم التاني من المهرجان مخصص لقطاف، الأسواق، الأكل، وتعيشوا أجواء قروية بامتياز.
🕙 البرنامج:
10:00 ص: قطاف الكرز (حتى تخلص الكمية)
11:00 ص: افتتاح الأسواق
من 11:00 ص – 8:00 م: ألعاب أطفال ورا مبنى البلدية
11:00 ص – 3:00 م: سفرة حمانا بالحديقة العامة
3:00 م: عرض موسيقي بأسواق حمانا
5:00 م: عرض كاليستينكس على المسرح
غنجوا حالكن بيومين من السعادة والفرح، وخدوا العيلة والأصحاب ع حمانا لتعيشوا ذكريات هالصيف ما بتنتسى!
أضخم 25 مهرجان حول لبنان لصيف 2025
