مهرجان الحمرا: أكل، موسيقى، وأجواء الزمن الجميل (الدخول مجاني)

نهار الأحد 22 حزيران، شارع الحمرا رح يتحوّل لعالم تاني مع مهرجان الحمرا نوستالجيك Hamra Nostalgique Festival من تنظيم Ahla Fawda وAhla Souk!

هالمهرجان رح ياخدنا برحلة نوستالجية حلوة ع أيام الزمن الجميل وزمن الحمرا الدهبي، من الخمسينات للسبعينات، بأجواء فرح وحيوية بوسط شارع الحمرا – اللي دايمًا كان قلب بيروت النابض.

مهرجان الحمرا، تعيشوا نهار طويل مليان نشاطات لكل الأعمار:

🎶 موسيقى لايف بترجعكن ع أيام الفن الأصيل

🍔 أطيب أكل شارع من بسطات ومطاعم محلية

🧵 سوق مميز فيه أشغال يدوية، قطع vintage، تصاميم محلية، وهدايا بتاخد العقل

🎨 فن وورشات بالشوارع، مع فنانين بيرسموا لايف قدامكن

وأحلى شي؟ الدخول مجاني! كلكن معزومين، صغار وكبار، شباب وصبايا، لتعيشوا نهار ما بينتسى.

إذا كنتوا بتحبّوا الزمن الجميل، أو بتحنّوا لأيام زمان، أو ببساطة بدكن تقضوا نهار صيفي ممتع ببيروت، هيدا المهرجان لإلكن! خدوا أصحابكن وعيلتكن، وخلّوا الكاميرات جاهزة، لأنو المشهدية رح تكون خيالية ✨

Hamra Nostalgique Festival – الماضي رجع، بس هالمرة بصيف 2025 وبقلب بيروت!

🗓 الأحد 22 حزيران 2025

📍 شارع الحمرا الرئيسي

🕙 من 10 الصبح لـ11 المسا

🎟 الدخول مجاني، ولكل الأعمار

لمشاركة العارضين، فيكن تتواصلوا ع الواتساب: 539 398 03

شوفوا كمان

أضخم 25 مهرجان حول لبنان لصيف 2025