سندويش بندورة بـ13$…إم شريف عامل بلبلة واسعة ع سوشيال ميديا!

محل Em Sherif Deli بوسط بيروت عمل بلبلة واسعة ع السوشيال ميديا والسبب رح يصدمكن: سندويش بندورة! 

الجدل بلش وقت انتشر سعر السندويشة: حوالي 12-13 دولار. كتار اعتبروا إنو هيدا السعر مش منطقي أبدًا، خصوصًا إنو المكونات بسيطة كتير وموجودة بكل بيت:  بندورة جبلية، توم، سماق، زيت زيتون، حر أخضر وبصل أخضر بقلب خبزة توست. ناس كتير استغربت كيف سندويش بندورة وتوم ممكن توصل لهالسعر؟ 

بس من جهة تانية، في عالم بتحب إم شريف ومعتبرة إنو كل شي عندن بيستاهل، حتى لو كان بسيط. يمكن ناس عم يدفعوا مش بس حق الأكل، كمان حق الاسم والتجربة. بالنهاية، Em Sherif معروف إنو مطعم راقي، وهالـ Deli هو امتداد لهيدا الاسم، ووقت فتح الـ Deli تبعو بوسط بيروت، كتار توقعوا الأسعار تكون غالية. بس ما حدا كان متخيل إنو سندويش بندورة رح تعمل هالقد بلبلة.

على السوشيال ميديا، التعليقات تنوّعت بين الساخر:

وغيرها من التعليقات يلي متحمس للتجربة، حتى لو بالبيت: 

هيك بيكون Em Sherif قدر يعمل ضجة كبيرة بسندويش بندورة… وخلّى الدني كلها تحكي! وإنتو شو رأيكن، بتدفعوا 12-13$ حق سندويشة بندورة؟

 شوفوا كمان، رحلات بحرية بين لبنان وقبرص قريباً، هيك أسعار التذاكر!