مسبح، جنينة، وقعدة جبل…هيدا أجمل بيت ضيافة بعالية

عم تحلموا تقضوا كم يوم ببيت بالجبل؟ Bayti Resort جوهرة راقية وهادية بقلب مجدليا عالية، مثالي لكل حدا بدو يفلّ من العجقة ويعيش تجربة مميزة وسط الطبيعة. هون، الوديان محيطة فيكن من كل صوب، والجو الرومانسي رح يخليكن تحسّوا حالكن بعالم تاني… عالم مليان رواق ورفاهية.

Bayti Resort بيت ضيافة فخم بيستقبل لحدّ 6 أشخاص، وبيعطيكن إحساس إنكن بمنتجع خاص إلكن وحدكن. أول ما توصلوا، رح يدهشكن الديكور القديم، الرومانسية بالتفاصيل، والراحة اللي بتحسّوها من اللحظة الأولى.

قعدة الجنينة قصة لحالها… ورود بألوان بتفرّح القلب، بيوت العصافير، أشجار عتيقة بتعطي فيّ، وأجواء هادية بتخلي الصبحية مع فنجان قهوة تجربة ما بتتنسى. إذا بتحبوا هيك قعدات، فيكن تعملوا picnic بين الخضار والهوا النضيف، بعيد عن ضجة المدينة.

ومش ناسيين الصيف … المسبح بيغنيكن عن كل شي: ميّ صافية بتلمع تحت الشمس، ومن وراه منظر جبال بيخطف النفس. اغطسوا، بوردوا، وخدوا كاس عصير منعش من الـ pool bar ليكمل الجو الصيفي.

Bayti Resort مثالي لكل عطلة: ثنائي حابب جو رومانسي، عيلة بدها تغيّر جو، أو أصحاب حابين يقضّوا ويك-اند سوا. فيكن تضلّوا مسترخين بالفيلا، أو تتمشّوا حول الضيعة وتستكشفوا سحر عاليه.

هون، الوقت بيوقف… لتعيشوا كل لحظة وتستمتعوا بأبسط التفاصيل.

Bayti Resort… مش بس بيت ضيافة، هو ملجأ للطبيعة، الهدوء، والرفاهية من أول دقيقة! 💛🏡

📱 للحجز أو الاستفسار: 078 710 78
📍 العنوان: مجدليا، عالية – إكبسوا هون للموقع بالزبط.

حبيتوا هالمقال؟ شوفوا كمان:

8 مطاعم مع قعدة جزيرة بقلب لبنان

في مطاعم بلبنان، مش بس بتاكلوا فيها… بتسافروا! مطاعم بجو ساحر، بقلب البحر أو ع الصخر، مخبية تجارب ولا أروع …