بيت ضيافة ع ستيل فرنسي…آخر أيام الصيف بعاليه!

إذا كنتوا عم تدوروا على جو جبلي رايق بعيد عن عجقة بيروت، La Maison Lavande بعاليه هو الجوهرة المخفية اللي لازم تكتشفوها. هالبيت الضيافة بيجمع بين الروح اللبنانية والأجواء الفرنسية الكلاسيكية، متل كأنوا دخلتوا قرية صغيرة ببروفانس.

هالبيت بيضم شقق مريحة للعيلة، جنينة واسعة فيها ألوان وورود بتنعشكن، ومسبح بيخلي آخر أيام الصيفية أحلى.

كل زاوية بالمكان معمولة لتخلي الضيوف يحسوا بالراحة والدفا، من ريحة الكرواسون الطازة الصبح، لأول شفّة قهوة بقلب الكافيه الصغير Le Petit اللي بحسّسكن إنكن بفرنسا.

المكان مش بس للإسترخاء، كمان فيه تجارب ممتعة لكل الأعمار. بتحبوا الرسم؟ في نشاط رسم بالجنينة بيخليكن تخلقوا لوحاتكن الخاصة بين الطبيعة.

بتحبوا الطّبخ؟ جربوا تحضير بيتزا من إيدكن، متعة للصغار والكبار. واللي بيحبوا اللحظات البسيطة، في مرجوحة فوق البسين بتخليكن تستمتعوا بالجو الجبلي والنسيم العليل.

إذا حابين تفيقوا الصبح على منظر الجبال، تتمشوا بالجنينة، وتشربوا قهوتكن وسط الطبيعة، La Maison Lavande بيجمع كل هالأحاسيس بهدوء وبساطة. الجو بين لبنان وفرنسا، وبين الطبيعة والفن، كله موجود بهالبيت الضيافة يلي عنجد بيترك أثر فيكن.

العنوان: حي الأرمن، عاليه

للحجز: 202 254 03.

ما تنسوا تابعوهن ع انستغرام هون

حبيتوا هالمقال؟ شوفوا كمان:

بوفيه عالتراس، حصيرة عالأرض، وركوب الحمار بالشوف هالخريف!