10 مطارح بتسفركن ع سويسرا من قلب لبنان!
عبالكن تروحوا على سويسرا من دون ما تسافروا برا لبنان؟ سويسرا بتتميز بجمالها الريفي، جبالها العالية والمنحدرة المغطاية بالتلوج، بيوتها الخشبية المخباية بين الشجر والتلال الخضرة والبحيرات، النبيد والحلويات والمخبوزات الطيبة من الجبنة والشوكولا السويسرية الشهيرة. كرمال تحصلوا على تجربة شتوية مشابهة بلبنان، خلونا نروح على 10 مطارح بتاخدكن على سويسرا من قلب لبنان.
1. Wood Hills، ميروبا
منتجع وود هيلز مخبى بين غابات وصخر ميروبا، بيوته خشبية متل البيوت السويسرية، ومناظره للجبال والوديان ساحرة. بالشتوية، بيقدملكن تجربة دافية ومكنكنة وسط التلوج والطبيعة.
الرقم: 786 177 76
2. Auberge Le Valais، فاريا
أوتيل ومطعم أصيل متخصص بالأكل والجو السويسري، بتجربوا أطباق جبنة الراكليت مع ستيك لذيذ وكاس نبيد. الغرف والديكور مستوحى من التراث السويسري مع لمسة فخامة بتحسّتكن كإنكن سافرتوا عنجد.
الرقم: 227 552 70 – 227 552 03
3. Le Montagnou، كفردبيان
أوتيل محاط بالجبال، مناظر تلجية ساحرة، وديكور خشبي بياخدكن مباشرة ع الريف السويسري. أطباق الجبنة السويسرية، الأكل الدافي، والنبيد الطيب بيخليكن تعيشوا تجربة كاملة بالجبل.
الرقم: 441 341 03
4. Le Cedrus Hotel، بشري
أوتيل ومطعم كلاسيكي مخبى بين شجر الأرز، مناظره الجبلية المطلة ع الغابة بتاخد العقل. جو المكان والديكور الريفي بيذكّركن بسويسرا، مع أكل طيب وقعدة دافية.
الرقم: 777 413 70
5. أرز فاريا، فاريا
بيوت خشبية مميزة وسط مناظر جبلية خلابة. الأجواء هون بتعطيكن إحساس حقيقي بالريف السويسري، خصوصاً بالشتوية لما تتغطى فاريا بالتلج.
الرقم: 144 101 79
6. عند شاكر، كفردبيان
مكان دافي ومناسب للعيلة، بديكوره الخشبي الحميم اللي بياخدكن مباشرة للريف السويسري. المناظر حول المكان وقعدة المسا مع أطيب الأطباق بيخلّوها تجربة ما بتنتسى.
الرقم: 800 341 29
7. Cedar Scent، نيحا البترون
النسخة اللبنانية للريف السويسري، طبيعة خلابة وسط الغابة وقعدة مريحة لكل محبي الجبال. مناسب للعشاق يلي عبالن وقت لحالن بعالمن الخاص!
الرقم: 511 233 70
8. O Bois، الخنشارة
هالمطعم بيقدملكن تجربة مختلفة عن غيرها! قاعد وسط الطبيعة بقلب كوخ خشب، بيقدم ألذ جبنة فوندو دايبة وراكليت ع دفى الشاميني. صعب ما تزوروا المحل وما تحسوا بالجو السويسري بكل التفاصيل!
الرقم: 752 345 03
9. Lola، النعص
لولا هو وجهة ريفية راقية لكل اللي بحبوا يهربوا من صخب المدينة. بديكوره الخشبي المكنكن، بيخليكن تعيشوا أجواء قرى سويسرا من قلبو. بيقدم منيو متنوعة من الأطباق الفرنسية يلي بتدفي القلب!
الرقم: 706 062 71
10. InterContinental Mzaar، كفردبيان
أكتر محل بياخدكن ع سويسرا الجبلية هو مزار كفردبيان! هيدا من أشهر أوتيلات خمس نجوم بالمزار. قضوا نهار كامل ع التلج وناموا ليلة غير شكل بالجبل، مع خدمات ممتازة!
الرقم: 100 340 09
خبرونا، حبيتوا المشوار على سويسرا من قلب جبال لبنان؟
