قريباً، إنترنت مجاني للتعليم عن بُعد بلبنان!

بتوجيه مباشر من وزير الاتصالات شارل الحاج، وبظل الظروف الاستثنائية اللي عم يمر فيها لبنان بسبب الحرب، قريبًا رح تطلق شركات Alfa وMTC Touch باقة إنترنت خاصة ومجانية للتعلّم عن بُعد.

هالباقة هدفها الأساسي توفّر إنترنت مجاني مخصّص للتعليم أونلاين، خصوصًا للطلاب النازحين أو يلي عندن صعوبة يوصلوا للمدارس بهالظروف الصعبة.

حسب المعلومات المتداولة، الباقة رح تشمل 20 جيغا إنترنت، ومتوفر استخدامها من الاثنين للجمعة بين 7:30 الصبح و2 بعد الضهر. هالإنترنت مخصص لاستخدام منصات Microsoft Teams ومنصة “مدرستي”، وكمان أي منصات تعليمية إضافية ممكن تحددها وزارة التربية.

المبادرة هدفها الأساسي ضمان استمرارية التعليم لكل الطلاب بلبنان، وتأمين وصول مجاني وآمن للمنصات التعليمية بظل هيدا الوضع.

شوفوا كمان:

بدكن تتطوعوا؟ فرص تطوع لدعم النازحين قسراً بلبنان