مهرجان الكرز حمّانا: سوق، قطاف الكرز، وأجواء الصيف (الدخول مجاني)
بلّش العدّ العكسي، وموعدكن نهار الأحد 21 حزيران 2026 مع مهرجان الكرز السنوي – حمّانا، من الساعة 10 الصبح للـ7 المسا. نهار كامل مليان نشاطات، موسيقى، أكلات طيبة، وأسواق حرفية بقلب وحدة من أجمل ضيع جبل لبنان، المشهورة بكرزها الأحمر والأسود والأصفر.
إذا بتحبّوا الطبيعة والأجواء القروية الحلوة، هيدا المهرجان فرصة لتقضّوا نهار مميّز مع العيلة والأصحاب. فيكن تتمشّوا بين البساتين، تقطفوا الكرز بإيديكن، وتتذوّقوا منتجات محلية وأكلات لبنانية ضمن أجواء احتفالية بتجمع بين التراث والتسلية.
السوق رح يضمّ تشكيلة واسعة من الصناعات الحرفية، المونة البلدية، والمأكولات والحلويات المحضّرة من الكرز. أمّا بالحديقة العامة، فـ”سفرة حمّانا” رح تكون ناطرتكن بأشهى الأطباق اللبنانية والوصفات التراثية من أهل الضيعة.
برنامج مهرجان الكرز – حمّانا 🍒
رح يكون ناطركن نهار طويل وحافل بالنشاطات والتسلية للكل، هيدا البرنامج:
🕙 10:00 الصبح
- افتتاح الأسواق المحلية
- انطلاق نشاط قطاف الكرز (بيع التذاكر ونقطة الانطلاق مقابل بوظة بشير – لغاية الساعة 3 أو نفاد الكمية)
- افتتاح منطقة ألعاب الأولاد خلف مبنى البلدية (حتى الساعة 7 المسا)
🕚 11:00 الصبح – 3:00 بعد الضهر
- “سفرة حمّانا” بالحديقة العامة مع أشهى أكل لبناني ووصفات تراثية
🕧 12:30 الضهر
- افتتاح ررسمي للمهرجان برعاية وحضور وزير الزراعة الدكتور نزار هاني
🕐 1:00 بعد الضهر
- استعراض موسيقي على المسرح
🕜 1:30 بعد الضهر
- عرض زومبا على المسرح
🕒 3:00 بعد الضهر
- استعراض موسيقي في أسواق حمّانا القديمة
- انتهاء نشاط قطاف الكرز (أو قبل عند نفاد الكمية)
🕓 4:00 بعد الضهر
- عرض ترفيهي للأطفال على المسرح
🕔 5:00 المسا
- عرض كاليستنكس على المسرح
🕕 6:00 المسا
- عرض غيتار و ساكسوفون مع ميشال على المسرح
🕖 7:00 المسا
- ختام فعاليات المهرجان
طول النهار، منطقة ألعاب الولاد رح تكون مفتوحة من الساعة 10 الصبح للـ7 المسا، بينما فيكن تستمتعوا بالسوق، الأكلات البلدية، المنتجات المحلية، وكل شي بيحمل نكهة الكرز وحمّانا. الدخول مجاني، و الأجواء بتوعد بنهار صيفي ما بينتسى.
تعوا استمتعوا بطعم الكرز الطازة، اكتشفوا سحر حمّانا، وخدوا معكن أجمل ذكريات من واحد من أحلى مهرجانات الصيف بلبنان.
🍒 حمّانا ناطرتكن… كونوا كتار!
