حفلة طلاق شروق أشعلت السوشيال ميديا… ودكتور فود يهدّد بالدعاوى!

الظاهر إنو كل ما تروق الأجواء شوي على تيك توك، دكتور فود وشروق بيرجعوا بيخلّوا زواجهن وطلاقهن حديث الناس. وآخر فصل من هالقصة، وبعيداً عن موضوع الحكم بالسجن المؤبد المزعوم، هو حفلة طلاق شروق. الظاهر إنو الدعم والاهتمام الكبير يلي عم تاخدو ما عجب دكتور فود أبداً.

بفيديو جديد نشره على السوشال ميديا، بيبدو إنو دكتور فود وجّه تهديد لصنّاع المحتوى يلي رح يحضروا حفلة الطلاق، وقال إنو ناوي يرفع دعاوى جزائية بحق كل شخص إلو علاقة بالموضوع. فيكن تشوفوا المقاطع هون:

واضح إنو دكتور فود مش مرتاح لكل هالاهتمام يلي عم تحظى فيه مرتو السابقة، وردّة فعله زادت أكتر من الضجة حول القصة، يلي تحوّلت أساساً لفصل جديد وعلني من علاقتهن.

وطبعاً، دايماً في احتمال يكون كل هيدا جزء من تمثيلية للسوشيال ميديا، خصوصاً إنو هالقصص بتجيب مشاهدات ولايكات. بس بعد كل شي صار بين هالشخصين، صعب نعرف شو فعلاً عم يصير ورا الكواليس

بكل الأحوال، شروق عم تحتفل بالطلاق، دكتور فود عم يحكي عن دعاوى قضائية، ونحنا عم نتابع هالموسم الجديد من ورا شاشاتنا.

وعنجد، لازم يعملوا عن هالشخصين وثائقي على Netflix… بس خلّينا ما نعطيهن أفكار زيادة.

أما حفلة طلاق شروق، فرح تكون نهار 22 آب، الساعة 7 المسا، بـOceya بالكاسليك.

يعني إذا كنتوا ناويين تتابعوا هالفصل عن قرب… سجلوا التاريخ.

شوفوا كمان:

محطة قطار مار مخايل عم ترجع للحياة… وأول مرحلة خلصت!