سينما بالهوا الطلق وتحت النجوم عند هالمحل

لكل عشاق السينما، هيدا الخبر الحلو لإلكن!

كتير بفكر الإنسان كيف بدو يستمتع بوقتو، وكتير من المرات ما بيعرف كيف… ومن النشاطات الروعة لي فيكن تعملوها هالصيفية بلبنان هي المشاركة بالسينما بالهوا الطلق بين الشجر وتحت النجوم.

تعرفوا على “جرودي“، أول محل بيطلق سينما بالهوا الطلق وتحت النجوم هل صيفية.

هيدا المشروع مناسب لكل يلي بحبوا الجبل والأفلام، أو لكل حدا عبالو يجرب شي خارج عن المألوف ليغير شوية جو.

صراحة ما في أحلى من إنو تجو على الزعرور وتقعدوا تتفرجوا على مغيب الشمس عند جرودي من هل نقطة الخيالية وبس تخلصوا ببلش الفيلم على الساعة 9.

عرض السينما بالهوا الطلق عم بصير كل نهار تنين على الساعة 9 والمرة الجاي رح ينعرض فيلم Ticket to Paradise المميز بطولة جوليا روبرتس وجورج كلوني.

جمعوا أصحابكن، لبسوا جاكيتات رقيقة، وجيبوا معكن شراشفكن لحتى ترتاحوا بالقعدة!

شي خرافي عنجد! سعر البطاقة 5$ وفي كمان minimum charge 15$ فيكن تطلبوا فيهن أكل وشرب وأراغيل أو حيلا شي من المينو لتمبسطوا إنتو وعم تحضروا الفيلم.

هل مشروع كتير مميز للعشاق، تخايلوا حالكن مغطايين بشرشف واحد وغامرين بعض وعم تحضروا فيلم حلو تحت النجوم ومع برودات الزعرور الحلوين.

شو ناطركن؟ موسيقى، أكل، شرب، وأكيد فيلم بعقد!

للمزيد من المعلومات اتصلوا على 919 091 03

شوفوا كمان، هيك فيكن تقضوا نهار حلو بالضنية.