لقينا ٦ مطاعم بالأرز مع منظر بطير العقل
الأرز منطقة ساحرة بلبنان بتتميز بغابة الأرز العظيمة والأشجار المعمرة والخشب المبارك والطبيعة الخلابة والطقس البارد بالصيفية والصقيع والتلج والبياض الناصع بالشتوية. من قمة الأرز فيكن تشوفوا أجمل منظر بلبنان مطل على وادي قنوبين الحامل تاريخ جدودنا والقلب معلق في من زمان. من بعد ما خبرناكن عن أجمل المطاعم الموجودة بجزين، اليوم رح نكفي على الشمال لنخبركن شوي عن منطقة الأرز ونستكشف سوا المطاعم الموجودة بأحضان هل جوهرة ونتعرف على مميزات كل محل.
عم تنبشوا عن لقمة طيبة مع منظر بطير العقل؟ مطعم لو شاتيل جنة حقيقية، بيتمتع بمنظر بياخد العقل بطل على وادي قاديشا المقدس والضيع المجاورة. الأكل كتير طيب بيوصل على طاولتكن وشوفوا القعدة قدي حلوة وكل شي بيعملوا غير شكل من التبولة والفتوش للبطاطا الحرة والمشاوي والمعجنات، رح تحسوا حالكن بحلم لأن كل لقمة طيبة بتاكلوها مع هل قعدة رح تخلي قلبكن يدق.
الرقم: 829 555 71
٢. كافي دي سيدر Café Des Cèdres
قهوة الأرز قاعدة على أجمل قمة بلبنان، المنظر بهل محل رح ياخدكن رحلة على عالم تاني. ما في أجمل من فنجان القهوة على الصبح مع أجمل منظر بلبنان. أكيد الغدا بهل مطعم من العمر رح يخليكن تستمتعوا بهوايات الأرز الحلوين والأكل الطيب والجبال الشامخة والمشروب اللذيذ.
الرقم: 797 448 70
٣. مطعم الأرزة
يعتبر مطعم الأرزة وجهة مثالية لمحبي المأكولات اللبنانية الأصيلة وأحد أشهر المطاعم الزاخرة بالنكهات التقليدية ومن الأطباق التقليدية المشهور فيها المشاوي، والبطاطا الحرة، والفتوش اللذيذ، والشيش طاووق وتشكيلة واسعة ومميزة من الأطباق الشهية. القعدة على التراس تحت الأرزة العتيقة لي عمرها فوق ال 6000 سنة ولي بيحمل إسمها المطعم بترد الروح ورح تنسيكن كل هموم الدني وتخليكن تسرحوا بأفكاركن.
الرقم: 746 666 03
٤. لو بيشي دي سيدر Le Pichet des Cèdres
هل مطعم المميز موجود بقلب سيدروس أوتيل Cedrus Hotel، بقدم أشهى الأطباق اللبنانية والعالمية مع قعدة كلاسيكية مريحة وبيتمتع بخدمة ممتازة. القعدة بهل أوتيل رح تخليكن تعيشوا تجربة استثنائية ولحظات ما بتنتسى بسبب التصميم الرائع للأوض والمنظر الخيالي من البلكون.
الرقم: 777 678 06
المنظر خيالي، الأكل كتير طيب ومميز والجو برود. هل محل بيتمتع بجلسة غجرية على راس الجبل لكل مين حابب ياكل ويشم هوا نضيف ويتمتع بالتراث الأصيل لي ما بتلاقوا بغير مطاعم بلبنان. أما القعدة على التراس، لو قضينا عمرنا كلو نوصف جمالها ما رح تصدقوا قدي ساحرة والأكل كتير مميز والزينة بترافق كل الصحون والأطباق، يعني عنجد صار فينا نقول إنا طالعين على السما بس نحكي عن هل محل.
الرقم: 760 743 03
يعتبر كافي أكتر من إنو مطعم، هوي موجود بقلب فان، بيتألف من قعدة على الوادي وقعدة بالفان بالطابق التاني بتكشف على المنظر الحلو، بقدم حلويات ومشروب والجلسة في بتاخد العقل، رح تحسوا حالكن على كتف الوادي مغمورين بالطبيعة الخضرا والبرودات الحلوين. فيكن تشربوا عصير فريش، تاكلوا كريب أو تطلبوا حلو وتقعدوا على المرجوحة وتتفرجوا على الوادي وتنسوا الدني وهمومها.
الرقم: 933 923 81
