ميّلوا على لفّة شاورما: أطيب وأشهى سندويشات

شو الغدا اليوم؟ اطلعوا معنا على البترون، نكتشف هالمنطقة العريقة وندوق أطيب سندويشات شاورما. مطعم لفة شاورما بقدملكن شاورما الاحلام بكل شطارة وكرم! شوفوا شو مخبيلكن هالمحل.

بتلاقوا عند لفة أصناف الشاورما بإختلافها، من شاورما اللحمة الطرية لشاورما الدجاج بتطلع مشوية غير شكل، وأكيد شاورما السجق ببهاراتها المميزة، وحتى فتة الشاورما لطعمة جديدة وقوية، وما مننسى مختلف أطباق الدجاج المشوي على الفحم.

فيكن تستمتعوا بشاورما ملفوفة بخبز صاج محمص وبطاطا مقلية، بتغمسوها بتوم بتطلع طعمة روعة.

وفيكن تتطلبوها بالخبز العربي الطازة، بتنلف كمية محرزة من قطع شاورما اللحمة أو الدجاج بالخبزة، مع توم أو صوص طراطور، وبينضاف عليها خضرا وكبيس حسب ذوقكن، شكل وطعمة بياخدوا العقل!

وأكيد فيكن تاكلوا شاورما بالصحن، إذا عبالكن لقمة خفيفة وشهية بنفس الوقت، بتتقدم مع صوص وبطاطا مقلية وخضرا.

وكمان إذا انتوا من محبي السجق فيكن تجربوا شاورما السجق من عندن، مشوية على الأصول وبطعم مميز، سندويشة محرزة بتشبعكن على المزبوط، ومليانة توم لراسها! أما إذا بتحبوا الفتة والشاورما، لازم تجربوهن مع بعض بصحن فتة الشاورما من عندن، مليان قطع شاورما دجاج ومزيّن بالمكسرات لي بتقرش قرش.

وما تنسوا تدوقوا الدجاج المشوي على الفحم، منظر وريحة وتقديم بيفتحوا النفس.

للمزيد من المعلومات، اتصلوا على 06/740440

شوفوا كمان، مطعم السراي جايبلكن اللقمة اللبنانية على أصولها.