باستا بقلب البيت! تعرفوا على محل بعيشكن تجربة فريدة من نوعها

اليوم رح نخبركن عن مطعم عندو concept جديد ولذيذ بقدم باستا بقلب بيت: هل محل إسمو أونا كوتشينا دي باستا Una Cucina Di Pasta.

بتلاقوا بزاوية بمنطقة المنصورية، دغري رح بتجزبكن الأجواء المريحة والروايح الطيبة أول ما تفوتوا على البيت.

رح تحسوا حالكن قاعدين ببيت إيطالي… رح تشوفوا الباستا عم بتتحضر قدامكن وتنطبخ بدقة من أجود المكونات اللبنانية على الطريقة الإيطالية لي رح تخليكن تحسوا حالكن ببيت بضيع إيطاليا!

جربوا الفيتوتشيني ألفريدو، طبق مع صلصة خاصة وحبوب الباستا بالشمندر الشهية.

جربوا كمان المعكرونة بلبن، طبقات من صلصة اللبن الغنية مع الصنوبر وترانشات دجاج أكيد حتخليكن تطلبوا صحن تاني من هالباستا الشهية.

ألذ باستا بزيت الزيتون والبطاطا والجبنة. بيتقدموا الأطباق مع مشروب إيطالي شغل لبنان “الليمونتشيلو” يلي بيشبه الليموناضة.

ما فينا نخبركن عن كل أطباق الباستا لي بحضروهن بالمطعم لأن كتير كتار وعطول عندن إبتاكارات جديدة وغنية.

أما الحلو فغير شكل على الآخر بكون، باستا بتاخد العقل مع كمية كريمة من الشوكولا بصلصة غنية فيا شوية كاراميل، طبق مثالي ليلي بحب الشوكولا والباستا.

ما تترددوا إنو تطلبوا كتير من الأطباق الشهية إنتو وعم تتسمعوا للموسيقى الإيطالية الحلوة. وفيكن كمان تقعدوا على التراس وتتفرجوا على الفيو.

نصيحة جربوا أكتر من طبق للباستا بأطعمة مختلفة مستوحاة من المطبخ الإيطالي لتحسوا بالتجربة مزبوط لأن مش كل يوم رح تعيشوا متلا.

إذا كنتوا من محبي الباستا ما تفوتوا زيارة هل مطعم! بيعملوا ديليفري كمان وبيعملوا catering.

مش بس هيك، إذا كان عندكن عشا رومانسي أو قعدة intime فيكن تحكوهن وبيجوا بيطبخوا قدامكن وبخلوا سهرتكن ما بتنتسا.

للمزيد من المعلومات اتصلوا على 422 784 81

شوفوا كمان، الناي: مطعم يوناني ساحر وصل على قلب زحلة.