بيت غروب البترون…أجواء إستوائية ومنظر البحر

اليوم رح نروح كزدورة على منطقة البترون ونكتشف مكان جديد وكتير قريب على سوق البترون القديم. بيت غروب البترون عبارة عن بيت ضيافة جاهز يستقبلكن على أجواء إستوائية ومنظر البحر.

بتلاقوا عند بيت غروب البترون عطلة صيفية مميزة. أول ما تدخلوا على البيت بتلاقوا القعدة المودرن والمرتبة، ألوان بتريح النفسية وأجواء بتحسسكن إنكن بجزيرة إستوائية.

بيتميز بقعدة تراس تحت شجر النخل، منظر البحر اللي رح ياخدكن ويجيبكن معو، قعدة لتجربوا غدا طيب، مرجوحة لترخوها عليها، ونسمات الهوا اللي جايي من البحر.

لكل محبي الراحة والإستجمام بالصيفية، بتلاقوا مسبح كبير غير شكل لتسبحوا وتنبسطوا كل النهار. ووقت غروب الشمس، بتتفرجوا على أجمل المناظر!

وبعد نهار طويل جنب المسبح، بتلاقوا أوض نوم بأجواء إستوائية، بتعبوا البانيو ميّ سخنة وبترتاحوا وبتقضوا أحلى ليلة.

شو ناطرين؟ مشوا نقضي كم نهار عند بيت غروب البترون.

للمزيد من المعلومات أو الحجز، إتصلوا على 242 707 70.

شوفوا كمان، حلم الوادي: تخت طاير فوق الوادي بالشوف