لقينالكن أطيب ٥ مطاعم إيطالية بالجنوب 

مين عبالو أكل وجو إيطالي على أصولو؟ عملنا برمة على مختلف مطاعم الجنوب، ولقينالكن 5 مطاعم إيطالية لازم تجربوها بالمنطقة.

1. Chez Wassim Fine Dining – كفررمان

الشيف وسيم بيعمل بيتزا إيطالية خفيفة وعلى الحطب غير شكل! بتلاقوا عندو مختلف طعمات البيتزا والباستا، وحتى أكل عالمي متنوع متل الستيك والمأكولات البحرية المشوية والسلطات الشهية. من أفضل مطاعم إيطالية بالنبطية!

الرقم: 777 624 71

2. Elysium – زبدين

مطعم إيطالي مميز قاعد على راس التل ومخبى بين شجر الزيتون. بيقدم أطباق باستا طعمها غني وكتير كريمي، وكمان الجو عندو روعة لعشا رومانسي من الأحلام. من أروع المطاعم لتجربوها بالجنوب لسهرة رايقة تحت النجوم وضو القمر.

الرقم: 940 909 70

3. Alicia Trattoria – مينا صور

هالمطعم جوهرة إيطالية بين شوارع صور القديمة، بياخدكن على روما بالجو الإيطالي والطعمة الأصيلة. بيعمل البيتزا كتير رقيقة وغنية، والباستا عند غير عالم! القعدة عندو كتير حلوة خصوصي إنو قدامكن شوارع وأسواق صور وبعيد الشط عنكن بس دقيقة مشي.

4. Senor Pizza – صيدا

بتلاقوا عند Senor Pizza مختلف أنواع البيتزا، الإيطالية واليونانية وكمان البيتزا على طريقة المطعم الخاصة. أما الباستا عندو مميزة والجبنة منظرها بيشهي! ضروري تجربوا هالصيفية بصيدا!

الرقم: 253 753 07 – 371 030 81

5. Olivia Resto Cafe – إنصار

بتلاقوا عند مطعم Olivia الأطباق الإيطالية على أصولها. بتدوقوا الطعمات التقليدية من الباستا متل ال Penne و ال Fetuccine، أو السباغيتي مع الأكل البحري والصوص الغنية، كمان عندن بيتزا على الحطب أبداً ما بتتفوت!

الرقم: 544 814 81

شوفوا كمان،١٦ مطعم بقعدة مميزة جنب النهر حول لبنان