٩ أكلات شعبية مناكلها بس يبلش الصيام!

بلش الصيام اليوم وكتار منا بلشوا يفكروا شو رح ياكلوا بهالفترة. هالمقال رح ياخدكن بجولة على ٩ أكلات لبنانية شعبية ومميزة، مناكلها كتير بوقت الصيام. هني عبارة عن بعض الوصفات التقليدية والأكلات الجبلية لي كانوا يعملوها جدودنا من زمان وبقينا على هالعادة لليوم وبعض الوصفات الجديدة لي عم يخترعوها المطاعم وبلشت تفوت على بيوتنا شوي شوي.

١. مجدرة وعدس بحامض وشوربة عدس

كل شي معمول من عدس وبدون لحمة مع شوية بطاطا وخضرا وعلى شكل شوربة.

٢. ببلشوا المحلات إختراعات بالبرغر من دون لحمة ودجاج

فيش برغر أو البرغر على سمك لي بعض الناس بحضروا بالبيوت، الفلافل برغر، الأرنبيط برغر والبعض بيعمل برغر على فطر.

٣. كبة لقطين

أكلة بيعملوها أكتر شي أهل الضيع بفترة الصيام، بتجي على شكل كبة كباب محشية حمص وسبانغ وبصل وتوم وحامض وبهارات ودبس الرمان من دون لحمة.

٤. حلويات الصيام

بصيرو كل أنواع الحلو ينعملوا بالزيت محل الحليب والبيض ومن هالحلويات منذكر الكعك الصيامي الشهير وكمان الزلابية.

^{Credits: Emily Saba Channel}

٥. فطاير

فطاير بسبانغ ووبقلة لأن ما فيهن لحمة وبشبعوا منيح ومليانين حديد.

٦. أكلة الفلافل

محل الطاووق والدجاج واللحمة بصير الواحد يستحلي سندويش فلافل مقلي أو مشوي وحتى بعض المحلات بتعمل سندويشات قرنبيط والبعض بحضرن بالبيوت.

^{Credits: El Rayess Chtaura}

٧. طبخات المحاشي بتصير قاطعة وبدون لحمة

كوسا بدون لحمة وورق عنب بزيت وحامض.

٨. كبة راهب

محشية عدس وبصل وتوم مع سبانغ أو سلق.

^{Credits: Chef douwach}

٩. رز على خضرا

محل الدجاج بينحط خضرا من الموجود من حزاضلر البيت مع صوصات وبهارات.

شو أكلتكن الصيامية المفضلة؟

شوفوا كمان، بلدة قريبة من بيروت بقلولها منبع الفنانين… شو هي يا ترى؟