مين بحب التوتيا البحرية؟ صار عندكن مطعم

مين بحب أكلة التوتيا؟ صار في مطعم مخصص لهالأكلة البحرية بنص سوق البترون!

تخايلوا أكل طيب وقعدة حجر بترونية، قدي حلو؟

منعرفكن ع مطعم توتيا، جوهرة البحر الشهية، اللي عندو مطعم بسوق البترون العتيق! توتيا مش بس مطعم، هو تجربة بحد ذاتو، بلش هالمطعم كمسمكة ورجع صار مطعم بقدم أطيب الأكلات البحرية وأكيد تجربة التوتيا البحرية يلي ما بتتفوت.

تعو عيشوا أجواء الربيع مع أطباق البحر المثيرة و التوتيا البحرية، جوهرة البحر بيتصدوها أصحاب المطعم كل يوم وبتتقدم مع رشة حامض.

بيستقبلكن على ألذ سفرة مأكولات بحرية ومازة من فتة القريدس، حشيشية القلب وغيرها من الأطباق البحرية المثيرة ناطرتكن

غير هيك، توتيا بيقدملكن فورمول ب ١٥$ على الشخص، فيها فتوش، بطاطا، حمص، ورقاقات قريدس، طحلب بحري، سمك بزري مقلي، سمك ني، كالامار، فتة قريدس، سمك مشوي أو مقلي مع مشروب وقطعة حلو.

عدا عن الأكل الطيب هالمطعم بيتميز بتصميمو الفريد، بيت حجري بخليكن تحسوا حالكن بشي جزيرة يونانية.

هلق التوتيا البحرية أكلة فريدة من نوعها ومش الكل بقدمها، لأن بتصطاد على عمق 40 متر بالبحر وتعتبر من أغرب الأكلات البحرية بلبنان، طعمتها بتشبه الكريمة البحرية وعندها طريقة خاصة بالتحضير، لهيك ما كتير بتلاقوها بالمطاعم.

جمعوا أصحابكن وعيشوا تجربة فريدة بالبترون!

العنوان: سوق البترون العتيق
الرقم: 519 587 76

شوفوا كمان، جربوا البوظة ع فحم وبوظة ع بوشار عند هالمحل بلبنان!