خبرية حلوة: الجامعة اللبنانية الأميركية LAU فتحت فرع بأمريكا!

​مين منا ما بيتمنى يدرس بالـ LAU؟ هالجامعة اللبنانية المتفوقة، عم ترفع راسنا هالمرة بالولايات المتحدة!

فرع جديد للـ LAU عم يفتح بوابو بهلأيام بنيويورك! موقعو استراتيجي كتير، بوسط مانهاتن وقريب كتير من مقر الأمم المتحدة.

من بعد ما كان بس مركز رئيسي ومركز علمي من سنة ٢٠١٣، هلق صار هالفرع يلعب دور أكبر بكتير، بـ ١٢ آذار ٢٠٢٤، صار فرع رسمي: فرع LAU بنيويورك صار يمنح شهادات جامعية بعد موافقة مجلس التعليم العالي لولاية نيويورك.

شو بيعطي هالفرع الجديد؟ برامج متطورة لاحقة سوق العمل بهل إيام:

– بكالوريوس إدارة أعمال دولية (بالفرع)

– ماستر إدارة أعمال بتخصص تحليل البيانات (عبر الانترنت وبالفرع)

– ماستر إدارة أعمال بالإدارة الدولية (عبر الانترنت وبالفرع)

– ماستر علوم كمبيوتر (عبر الانترنت وبالفرع)

– ماستر علوم بالذكاء الاصطناعي التطبيقي (عبر الانترنت وبالفرع)

مش بس هيك! هالفرع الجديد مميز! مساحتو حوالي 000 30 متر مربع على ٣ طوابق. وبتلاقوا جواتو مكتبة فيها أكتر من 5000 كتاب عن الشرق الأوسط، وكمان في إمكانية وصول ع كل المصادر التعليمية الإلكترونية التابعة للـ LAU.

​رفعت ال LAU علم لبنان مرة جديدة ووصلت رسالتها التعليمية الرائدة هل مرة لأميركا، وفتحت المجال قدام الطلاب اللبنانيين والعالميين ياخدوا شهادات مميزة بهل قلب النابض بالحياة بالولايات المتحدة.

لتعرفوا أكتر عن هالفرع، شوفوا هالمقال.

شوفوا كمان، ٧ مسلسلات أثرت بطفولة كل لبناني من جيل التسعينات.