١٥ سبب بخليكن تزوروا مطعم رامي عياش بالبترون

كلنا عرفنا إنو رامي عياش فتح مطعم لبنان بالبترون بس يلي بعد ما زار البترون السنة وما جربوا، حابين نخبركن عن ١٥ سبب يخليكن تزوروا لأول مرة وتعيشوا تجربة التراث اللبناني على الأصول.

١. لقمة الكبة عندن غير شكل وبتجي محشية لراسها

٢. بيعملوا شاورما بيتزا طالعة دغري من الفرن ومحشية بطاطا مقلية مع توم على الوج

٣. الفتوش عندو بيجي بقلب خبزة محمصة بتدقوا الخبز لتفرط بقلب الصحن: أحلى ضربة فتوش

٤. بيعملوا أطيب الكوكتيلات والمشروبات الصيفية

٥. بقدموا البوظة بفناجين روميو وجولييت

٦. عندن قعدة مرجوحة على التراس لكل مين عبالو ياخذ كم صورة

٧. القهوة اللبنانية بحضرولكن ياها ب ركوة نحاس متل إيام زمان

٨. بيعملوا اختراع كتير طيب بيجمع الحلو العربي بالأجنبي: بقلاوة تشيز كيك

٩. بيعملوا طبق أوزة مش دايقينو بحياتكن بعد

١٠. أكيد رح تسمعوا كل أغاني رامي عياش يلي بتحبوها

١١. بيتميز المحل بطبق حلو ولا أطيب من هيك: الغزلية مع شوية شوكولا دايب وعم بشرشر على الوج

١٢. عندن طبق بشق القلب وضروري تجربوا: حمص بالحبق ولونو أخضر مع مكسرات وزعتر بلدي على الوج

١٣. القعدة حجر والديكور مرتب كتير وخرج مناسبات وحفلات

١٤. بيعملوا مشطاح خبز سخن طالع من الفرن دغري وبيوصل على طاولتكن

١٥. أهم سبب إنو ما بتعرفوا أيمتى وكيف بيطلعلكن رامي عياش وهيك بتشوفوا وبتسلموا علي

شوفوا كمان، اختراع بشق القلب والروح: فتة ورد جوري.