عبالكن بانيني مقرمش؟ تعرّفوا على Panini House الجديد بلبنان
زهقتوا من السندويشات العادية؟ في محل عم يقدم مفهوم جديد بعالم الأكل، مع أطيب وأغنى بانيني مقرمش ممكن تذوقوه.
Sando Panini House فتح أبوابه بلبنان، وعندو بانيني مقرمش ومحشي بنكهات غنية ومكونات طازة بتخلّي كل لقمة أطيب من اللي قبلها. حالياً مبلّش بس دليفيري، بس رح يصير إدمان أد ما طيب.
السرّ عندن؟ خبز بانيني إيطالي طالع سخن من الفرن، محضّر طازة يومياً، بيحشوه أطيب المكونات وبينكبس ليصير ذهبي ومقرمش من برّا، وطري وغني بالنكهات من جوّا. هيدا الشي بيخلي مختلف كتير عن الساندويش العادي.
اختياراتنا المفضّلة
صحيح المنيو مليانة خيارات كلاسيكية بتشهّي، بس في كم صنف حسّينا إنو اللبنانيين رح يحبوهن كتير:
إذا عبالكن نكهة بيتوتية وأصيلة:
كفتة مشوية — كفتة متبّلة ومشوية على الأصول، مع بندورة، كبيس، مايونيز، وشوي شطّة حرّ.
فرايز ساندو — مستوحى من السندويش اللبناني اللي كلنا منحبّه. بطاطا مقلية مقرمشة، كول سلو، كاتشب ومايونيز، بتركيبة بسيطة بس بتشهي.
إذا عبالكن شي مختلف شوي:
دجاج مشوي مع صوص الأيولي — ومن دون مبالغة، من أطيب الخيارات. كمية محرزة من الدجاج المشوي مع خس، كبيس، وصوص أيولي خاص بيعطي نكهة مميزة.
فيلي ستيك – شرايح ستيك غنية ومليانة نكهة، مع جبنة سويسرية دايبة وصوص فيلي كريمي بيكمّل التجربة على الآخر.
وبصراحة؟ كل المنيو بتستحق التجربة، بس هيدول كانوا من أطيب الخيارات اللي جربناها.
وما تنسوا التحلاية
إذا عبالكن شي حلو، عندن خيارات بتكمّل وجبتكن.
جرّبوا White Chocolate Nutella أو نوتيلا مع الفستق. صح حجمهن بكفّي شخصين، بس مش ما رح تحب تشارك حدا فيهن.
مناسب لـ…
Sando Panini House هو الخيار المثالي لما تكونوا بدكن أكلة سريعة، مشبعة وطيبة بنفس الوقت.
خدوها معكن ع الشغل، بالجامعة، بالسيارة، أو حتى بالمشاوير البعيدة. البانيني وجبة سهلة وعملية بتتاكل وين ما كان، ومليانة طعمات بتخلّيكن تشبعوا وتنبسطوا.
مقرمش من برّا، غني من جوّا، ومحضّر بعناية بكل تفاصيله… يعني وجبة بتزبط بأي وقت وأي مكان.
فيكن تطلبوا مباشرة عبر تطبيق Toters ليوصلكن وين ما كنتوا، وما تنسوا تتابعوا Sando Panini House على إنستغرام.
