فيزا ع لبنان 2026: الدليل الكامل حسب الجنسية

عم تخطط تزور لبنان؟ ممكن تقدر تاخد الفيزا أول ما توصل على مطار رفيق الحريري الدولي ببيروت أو من أي معبر حدودي لبناني حسب الجنسية. هون كل اللي لازم تعرفه قبل السفر.

مواطنين دول الخليج والأردن

إذا كنت حامل جنسية إحدى هالدول، ما بتحتاج تطلع فيزا قبل السفر:

– السعودية

– الكويت

– الإمارات العربية المتحدة

– البحرين

– قطر

– عمان

– الأردن

مواطنين دول الخليج بياخدوا فيزا مجانية لمدة 6 أشهر بتنختم بالمطار أو بأي مركز حدودي. أما الأردنيين، فبياخدوا فيزا مجانية لمدة 3 أشهر. وبالحالتين، فيك تمددها لسنة كاملة ببلاش عن طريق مديرية العامة للأمن العام.

كمان أفراد العيلة، عمال منزليين، و سواقين، و مرافقين شخصيين اللي مسافرين مع مواطنين الخليج أو الأردن ممكن يكونوا مؤهلين. بس لازم يكون اسم صاحب العمل وجنسيته مذكورين على جواز سفر العامل الأجنبي، ويكون معه إقامة سارية ببلد صاحب العمل.

الدول اللي بتاخد فيزا مجانية عند الوصول

مواطنين الدول التالية بياخدوا فيزا مجانية لمدة شهر أول ما يوصلوا، وقابلة للتمديد لغاية 3 أشهر.

أوروبا:

أندورا، النمسا، بلجيكا، بلغاريا، كرواتيا، قبرص، التشيك، الدنمارك، إستونيا، فنلندا، فرنسا، ألمانيا، اليونان، المجر، آيسلندا، إيرلندا، إيطاليا، لاتفيا، ليختنشتاين، ليتوانيا، لوكسمبورغ، مقدونيا، مالطا، مولدوفا، موناكو، مونتينيغرو، هولندا، النرويج، بولندا، البرتغال، رومانيا، سان مارينو، صربيا، سلوفاكيا، سلوفينيا، إسبانيا، السويد، سويسرا، أوكرانيا، المملكة المتحدة.

الأميركيتان:

الأرجنتين، البهاما، بربادوس، بليز، برازيل، كندا، تشيلي، كوستاريكا، المكسيك، بنما، باراغواي، البيرو، سانت كيتس ونيفيس، الأوروغواي، الولايات المتحدة الأميركية، فنزويلا.

آسيا والمحيط الهادئ:

أرمينيا، أستراليا، أذربيجان، البحرين، بيلاروس، بوتان، الصين، جورجيا، هونغ كونغ، اليابان، قرغيزستان، ماكاو، ماليزيا، نيوزيلندا، روسيا، ساموا، سنغافورة، كوريا الجنوبية، طاجيكستان، تركمانستان، أوزبكستان.

دول أخرى:

العراق

ليحصلوا على فيزا عند الوصول، الزوار من هيدي البلدان لازم يقدّموا:

• رقم هاتف
• عنوان إقامتك بلبنان (فندق أو بيت خاص)
• وإذا غيرت محل إقامتك، لازم تبلغ مديرية العامة للأمن العام

مواطنين أتراك

المواطن التركي اللي جايي على لبنان للسياحة بياخد فيزا مجانية متعددة الدخول صالحة لمدة 3 أشهر، بتطلع بالمطار أو بأي معبر حدودي.

مواطنين عرب: شروط إضافية مطلوبة

مواطنو الدول التالية بيقدروا ياخدوا فيزا لمدة شهر قابلة للتمديد لـ3 أشهر، بس لازم يستوفوا شروط إضافية عند الدخول:

الجزائر، جزر القمر، جيبوتي، مصر، ساحل العاج، غانا، الأردن، ليبيا، موريتانيا، المغرب، نيجيريا، الصومال، السودان، تونس، اليمن

المستندات المطلوبة:

– تذكرة طيران ذهاب وإياب

– حجز فندق أو عنوان سكن مع رقم تليفون

– مبلغ يعادل 2000 دولار أميركي نقدًا، أو شيك مصرفي مصدّق بنفس القيمة

المسافرين ورجال الأعمال والمهنيين

فيزا صالحة لمدة بتوصل ل11 شهر بتطلع بالمطار أو على المعابر الحدودية:

– رجال الأعمال، المدراء، الرؤساء التنفيذيين، الأطباء، المهندسين والمحامين يلي معهن إقامة سارية المفعول بأي بلد من دول الخليج

ملاحظة: هالفيزا بتخص الشخص نفسه فقط، أما الزوج أو الزوجة والأولاد اللي حاملين جوازات أجنبية فبينطبق عليهن نظام الفيزا حسب جنسيتهن.

أما المستثمرون ورجال الأعمال والتجار العرب اللي عم يزوروا لبنان لأول مرة، فيقدروا يحصلوا على فيزا دخول لمدة 6 أشهر إذا قدموا:

دعوة أو اعتماد رسمي من إيدال (IDAL)، الهيئة المعنية بتشجيع الاستثمار بلبنان.

أو

دعوة رسمية من رجل أعمال لبناني، مع إثبات مكان الإقامة ونسخة مصدقة عن السجل التجاري.

الطلاب

الطلاب العرب المقبولين بمدرسة أو جامعة بلبنان بيقدروا ياخدوا فيزا دخول مجانية لمدة 3 أشهر إذا قدموا:

– بطاقة الطالب (إذا متوفرة)

– كتاب قبول أو تسجيل من المدرسة أو الجامعة اللبنانية

أما الطلاب الأجانب، فبيتم تقييم طلبهن حسب جنسيتهن ووضعهن الخاص.

مين لازم يطلع فيزا مسبقًا؟

أي شخص من دولة مش موجودة بالقوائم المذكورة لازم يطلع فيزا من السفارة أو القنصلية اللبنانية قبل السفر، أو يحصل على موافقة مسبقة من المديرية العامة للأمن العام. وهيدا بينطبق كمان على:

– أي شخص جايي يشتغل بلبنان (فيزا العمل لمدة 3 أشهر بتحتاج موافقة من الأمن العام ووزارة العمل)

– الفنانين والممثلين

– العاملين بالمنازل اللي مش مرافقين لمواطن خليجي أو دبلوماسي

– بعض الجنسيات اللي بتخضع لإجراءات أمنية إضافية

قبل ما تسافر

قوانين الفيزا ممكن تتغير بأي وقت ومن دون إشعار مسبق. كرمال هيك، قبل السفر، تأكد من آخر التحديثات عبر:

المديرية العامة للأمن العام اللبناني.
أقرب سفارة أو قنصلية لبنانية.
شركة الطيران اللي رح تسافر معها.

شوفوا كمان:

قبل ما تركب تاكسي من المطار… تعرّف على الأسعار الرسمية!