سوق صيفي ناطركن بالبترون هالويك-اند!

إذا بعدكن عم تدوّروا على ضهرة حلوة للويك إند، حطّوا سوق Batroun Pop Up على الليستا. بـ 3 و4 و5 تموز، Lebanese Diaspora Village رح يستضيف هالحدث الصيفي يلي بيجمع براندات لبنانية، مبدعين، أكل طيب، موسيقى، وأجواء ساحلية روعة.

فيكن تبرموا بين مجموعة مختارة من البراندات اللبنانية، والمصممين، والحرفيين، وأصحاب المشاريع الصغيرة، وتكتشفوا منتجات مصنوعة بإيدين لبنانيين، من قطع لايف ستايل وهدايا مميزة، لمنتجات حرفية بتستاهل.

والموضوع مش بس تسوّق. على مدى الأيام التلاتة، في نقل مباشر لمباريات كأس العالم، موسيقى طول النهار، وكيوسكات أكل ومشروبات، لتعيشوا أجواء صيفية حلوة مع العيلة أو الأصحاب.

إذا كنتوا عبالكن نهار بالبترون، فهيدا أحلى حجّة. اقضوا النهار عالبحر، وبعدين مرقوا على البوب أب، تمشّوا، تسوّقوا، جرّبوا أكل جديد، واستمتعوا بالنشاطات.

السوق بيفتح يوميًا من الساعة 3 بعد الظهر لحد الساعة 11 بالليل. يعني عندكن وقت كافي تستفيدوا من نهاركن وتعيشوا الأجواء للآخر.

وإذا بتحبّوا تكتشفوا أكتر عن السوقBatroun Pop Up والفعاليات الإبداعية بلبنان، تابعوا Lebanese Corner و The Creative Square على إنستغرام.

شوفوا كمان:

ريست هاوس صور رجع! تعرفوا على أسعار الدخولية